ایران: نوکلئرمذاکیرهلرده راضیلیغا گلمک اوچون تحریملر قالدیریلم
ایرانلا 5 +1 اؤلکهلری آراسینداکی دانیشیقلارین، سپتامبردا ائدیلهجک بیرلشمیش میللتلر تشکیلاتینین عمومی قورولونون اوّلینده و اثناسیندا داوام ائتمهسی گؤزلنیلیر
ایراندان آنلاشما شرطی ...
ایران خاریجی ایشلر باخانی محمد جواد ظریف، سپتامبر آییندا 5 +1 اؤلکهلری ایله ائدیلهجک نوکلئرمذاکیرهلرده راضیلیغا گلمک اوچون تحریملرین قالدیریلماسینی ایستهدی.
خاریجی ایشلر باخانی ظریف، 5 + 1 اؤلکهلرینین تحریملری قالدیرما صلاحیتینین اولمادیغینی، آنجاق بو اؤلکهلرین بیرلشمیش میللتلر تشکیلاتینین گوونلیک شوراسینا مراجعت ائدهرک تحریملرین قالدیریلماسییلا علاقهدار وئردیکلری تعهده باغلی قالماسی لازیم اولدوغونو مدافعه ائتدی.
ظریف، سپتامبر آیینین اوّللرینده اوروپا بیرلیگی خاریجی ایشلر یوکسک نمایندهسی کاتهرین آشتون ایله ائدهجگی گؤروشون ده هله قطعیلیک قازانمادیغینی ایفاده ائتدی.
کئچن ایل، ایرانلا بیرلشمیش میللتلر تشکیلاتینین گوونلیک شوراسینین بئش دایمی عضوو و آلمانیانین نمایندهلری آراسیندا رئاللاشان و بین الخالق تحریملرین آزالدیلماسی قارشیلیغیندا تهرانین دا نوکلئر پروقرامینی قیسیتلاماسینی نظرده توتان دانیشیقلار، 24 نوامبر 2013 ژنوده الده ائدیلن موقتی راضیلاشماقلا نتیجهلنمیشدی.
گئنیش راضیلاشمانین 20 ژوئیه 2014-جو قدر ائدیلمهسی نظرده توتولموش، آنجاق داها سونرا دفعهلرله بیر آرایا گلن طرفلر، بو موقاویلهنین 24 نوامبر 2014-جو قدر اوزادیلماسینی قرارلاشدیرمیشدی.
ایرانلا 5 +1 اؤلکهلری آراسینداکی دانیشیقلارین، سپتامبردا ائدیلهجک بیرلشمیش میللتلر تشکیلاتینین عمومی قورولونون اوّلینده و اثناسیندا داوام ائتمهسی گؤزلنیلیر