مالکی، ایران دستگینی ده ایتیردی
ایران، عراقدا حکومتی قورماقلا وظیفهلندیریلن حیدر العبادینی تبریک ائتدی
ایران، عراقدا حکومتی قورماقلا وظیفهلندیریلن حیدر العبادینی تبریک ائتدی و بو اؤلکهده سیاسی پروسهنین تاماملانماسی یولوندا آتیلان آددیملاری دستکلهدیگینی آچیقلادی.
ایران خاریجی ایشلر باخانلیغیندان وئریلن یازیلی آچیقلامادا، "ایران ایسلام جمهوریتی، عراقدا سیاسی پروسهنین تاماملانماسی یولوندا آتیلان آددیملاری و پارلمان سئچیملرینین اوچونجو تورونون باشاری ایله گرچکلشدیریلمهسینی دستکلهییر. سئچیملرده الده ائدیلن باشاریدان و یئنی حکومتین قورولما پروسهسینین اؤلکه آنایاساسیندا بیلدیریلن مدت ایچریسینده باشلادیلماسیندان اؤترو عراق خالقینی، حکومتینی و دینی اورگانلارینی قوتلاییریق" دئییلدی.
حکومت قورما ایشلرینین ائدیلدیگی عراقدا جمهورباشقانی فواد معصوم، حکومتی قورما وظیفهسینی اولوسال شیعه ایتفاقیندان حیدر العبادییه وئرمیش، باشباخان نوری المالیکی ایسه بو قرارا اعتراض ائتمیشدی. مالیکی، لیدئری اولدوغو قانون دؤولتی کوالیسیونونون ۳۰ آوریلده سئچیملرده ۹۲ کورسو چیخاردیغی اوچون سئچیم بیرینجیسی کوالیسیونون لیدئری اولاراق حکومتی قورما وظیفهسینین اؤزونه وئریلمهسی گرکدیگینی ساوونور.