Törkiyä krizista häm xuplawıbızğa ixtıyacı bar

Berlektäşebez Törkiyä krizista häm xuplawıbızğa ixtıyacı bar

Layıqlı yalğa çıqqan General-polkovnik Michael T. Flin “The Hill” gazetı öçen 8nçe noyabr’ könne yazğan “Our ally Turkey is in crisis and needs our support” isemle mäqaläseneñ qısqartılğan variantı.

"Törkiyä ozaq waqıt buyı totrıqlılığına yanawçı säyäsi krizis belän köräşkändä şaqtıy Amerikan keşeseneñ berlektäşebez bulğan bu il turında närsä uylarğa belmäwlären äytergä mömkin. Amerikan mediası Törkiyä ilbaşı Ärdoğannıñ oppoziśiyaçellär östendäge basımın añlatqanda iskitkeç êş başqara, läkin monı iple häm xaqlı pespektiva cähatennän yasamıy.

Törkiyä Amerikan mänfäğatläre öçen möhim il. Törkiyä “DEAŞ” terror oyışmasına qarşı çınnan da iñ köçle berlektäşebez häm şul uq waqıtta töbäktäge totrıqlılıq çığanağıdır. Amerikan xärbi operaśiyaläre öçen kiräkle bulğan xezmättäşlekne täêmin itä. Läkin Obama citäkçelege Ärdoğan häm Ak partiya xökümäten bilgele yıraqlıqta tota, bu isä ozaq waqıt buyı däwam itüçe ittifaqıbızğa yanawçı mantiqsız säyäsätter.

Amerika Quşma Ştatları häm Törkiyä arasındağı töp bäxäs mäs’äläse – Fätullah Gülän isemle, Pensil’vaniyada yäşäwçe, aldağı Amerikan ilbaşı Bill Klintonnıñ küp qaralğan videosında “dustım” dip äytkän qarañğılıq mullasıdır.

Gülän üzen basınqı bularaq çağıldıra, läkin 15nçe iyul’ könge tüntäreleş kereşüe bu yözeneñ çın bulmawın ap-açıq räweştä kürsätte. Üze biräçäk härtörle ämerne cirenä citkerüçe, härwaqıt äzer bulğan küzätep baruçı “ğaskäriläre” belän üzen ällä kemgä quya. Ägär çınnan da basınqı häm êçkersez dindar keşe bulğan bulsa ide, sörgendä bulmas häm Törkiyä ilbaşı Ärdoğan häm törek xalqınıñ näfrätenä duçar qalmas ide.

FETÖ terror oyışması liderı Gülänneñ dönyaküläm çeltäre küp törle sorawlar tudıra. Törkiyäneñ qaraş cähatenä kürä Vaşington Törkiyäneñ Usame Bin Ladinen üzendä yäşätä.

Vaşingtonnıñ bu mäs’älägä xaqındağı tawış-tınsızlığı Törkiyäneñ saylanğan ilbaşınıñ üz säyäsi oppoziśiyaçellären çitkä êtärü öçen xärbi tüntäreleş başqaruı, üz mäclesen bombalawı häm Törkiyäneñ köçle iqtisadına bulğan ışanıçnı zägiflätüe kebek absurd däğwanı işetkän çaqta küp närsäne añlata.

Nigeze bulmağan bu däğwa 11nçe sentäbr’ könge höcümne Amerikan küzläweneñ möselman cirlären yawlaw häm mondağı neftne qulğa töşerü öçen başqaruı belän bäyle naçar niyätle däğwalarnı xäterlätä.

Amerikada salım tüläwçelär Gülänneñ Amerika Quşma Ştatlarındağı 160 mäktäben finanslıy. Bu mäktäplärgä Googleğa birelgän H1-B viza sanınnan kübräk viza birelde. Viza xezmätkärläreneñ ingliz telendä awır söyläşüçe ingliz tele uqıtuçılarına meñnärçä vizanı raslawına ışanıp bulmıy. CBS kanalı tarafınnan kürsätelgän “60 Minut” tapşıruınıñ ber öleşendä Törkiyädän kilgän ingliz tele uqıtuçılarınnan berse belän äñgämä ütkärelde. Ber öleşe Ohio häm Teksasta bulu belän şaqtıy xoquq däğwası bu mäkrtäplärneñ êşçänlegendäge tärtipsezleklärne açıp saldı.

Läkin finans çığanaq tudıru Gülän çeltäre öçen problema bulıp kürenmi.

Totılğan advokatlar Gülän häm çeltärenä tabışlı xökümät çığanaqlarınnan kilüçe keremnärneñ däwam itüe öçen êşlilär. Cosmos Foundation kebek täêsirle xäyriyä oyışmaları Gülän mäktäplärenä yärdäm kürsätüne däwam itterä.

Cosmos Foundation Klinton waqıfına da yärdäm itä. Bil Klintonnıñ FETÖ liderı Fäthullah Gülänne “dustı” dip atawına şaqqatırğa kiräk tügel. Hilari Klintonnıñ maxsus kiñäşçese häm serdäşe Huma Abedinneñ üzäge Londonda urnaşqan Azçılıq möselmannar belän mönäsäbätlär institutı tarafınnan basıluçı ber jurnalnıñ 12 yıl buyı möxärrir urınbasarı bulıp êşläwe ser tügel inde.

Qızğanıç, Amerikan xalqın Gülänneñ tanılğan sufıy Mäwlana Cäläletdin Rumıynıñ öyrätkännären tanıtuçı, sufıy ğalim buluına, dinnärara dialognı cäyü öçen êşçänlek başqaruına häm Amerikan yäşlärenä yaxşı matematika, fän häm ingliz telen öyrätep, iskitkeç êş çınğa aşıruına ışandırılıp, aldıylar ide.

Bu şikle şäxes belän bäyle citkerelgän borçular häm şöbhälär üzenä bäyle xalıq belän mönäsäbätlär häm xoquq professionalları çeltäre tarafınnan şunduq tiz räweştä bastırılıp, beterelä. Gülän üzenä bäyle buluçılar belän çınğa aşırğan bu yalğan añ-fiker operaśiyaläre yärdämendä yasalğan küreneş tudırğan häm üzen Törkiyä xökümätennän zıyan kürgän kebek kürsätergä tırışa.

Keşelär ütkänneñ xataların qabatlağan waqıtta tarix qabatlnır.

Xäzer Törkiyäneñ ähämiyätenä qabat küz salu, añlaw häm östenleklärebezgä yaraqlı qaraş cähatenä kürä yaña säyäsät alıp barırğa waqıt citte.

Vaşingtonnıñ küzläre Pensil’vaniyada uñaylı şartlarda ber-bersennän yıraqlaşmawçı bu bitlek kigän terror häm torıqsızlıq çığanağı tarafınnan qaplanğan, NATO berlektäşebez bulğan Törkiyägä qarşı bulu vöcdanğa qarşı häm ülçäwsez totıştır.

Tışqı säyäsätebezne Törkiyägä östenlek biräçäk räweştä qabat küzdän kiçerergä kiräk. Törkiyäneñ qaraş cähatennän dönyağa küz salu zarur. 11nçe sentäbr’ könge höcümnän soñ ägar dä Usame Bin Ladenneñ Törkiyäneñ diñgez buyındağı qasabalarınnan bersendä yaxşı villada yäşäwen häm ber yaqtan da törek salım tüläwçeläre qorğan çığanaqlar belän finanslanuçı 160 mäktäpneñ açıluın işetsäk närsä yasar idek mikan?

Qızğanıç, härtörle radikal İslamçı törkemnäre legalleklärenä Gülän kebek aldawçı, yalğançı güya din êşleklärennän yärdämendä ireşälär. Gülängä sıyınır urın buldırırğa tiyeş tügelbez. Bu krizista kemneñ çın dus buluınn xäterläwebez mäcbüri."