Gruziyä belän Rusiyä arasında mönäsäbätlär cayğa salınaçaqmı?

Gruziyä häm Rusiyä diplomatik mönäsäbätlärneñ yañadan urnaştırıluın aktiv räweştä bäxäsläşä

2152516
Gruziyä belän Rusiyä arasında mönäsäbätlär cayğa salınaçaqmı?

“Mtavari Arkhi” kanalı çığanaqlarına kürä, Mäskäwdäge Gruziyä ilçelegeneñ açıluı öçen xezmätkärlär êşkä alına başlanğan.

Xakimiyättäge “Gruzin xıyalı” partiyäse wäkilläre isä Mäskäwdä ilçelek açılaçağı turındağı mäğ’lümatlärneñ nigezsez buluın belderde.

Rusiyä häm Gruziyä arasındağı mönäsäbätlär 2008nçe yılda Mäskäwneñ Kön’yaq Osetiyäneñ häm Abxaziyäneñ “bäysezlegen” tanuınnan soñ bozıldı. Ul waqıttan birle ike ilneñ mänfäğätlären Şveyśariyä ilçelekläre wäkillek itä.

Ber yıl êlek illär arasında hawa transportına yañadan başlandı häm Rusiyä ber yaqlı bularaq vizasız rejimnı ğamälgä kertte. Mäskäwdän Tbilisigä dürt yıl aradan soñ berençe reys 2023nçe yılnıñ 19nçı may könne başqarıldı.

Bu wazğiyät Tbilisidä protestlarğa säbäp bulsa, İlbaşı Salome Zurabişvili Mäskäwneñ ğamällären provokaśiyä bularaq bäyäläde.

Zurabişvili: “Rusiyä Ukrainağa qarşı agressiyäsen häm bezneñ cirlärebezne yawlap basıp aluın däwam itkändä turıdan-turı oçışlarnıñ yañadan başlatıluın häm viza rejimınıñ beterelüen qabul itep bulmıy”, - dip belderde.



Bäyläneşle xäbärlär