İlon Mask dön’yanıñ iñ köçle keşesenä äwereldeme?

Dön’yadağı iñ bay keşe İlon Mask avtomobil’, sälamätlek häm ğaläm texnologiyälärenä östäp xäzer sośial’ media dön’yasınıñ iñ ähämiyätle figurasına äwerelde. Şulay itep, bu şöhrät anı dön’yanıñ iñ köçle keşese itteme?“Dön’yada nilär bar” tapşıru tezmäbezneñ bu bülegendä zamanıbıznıñ tanılğan êşmäkäre İlon Mask turında süz baraçaq.

Ğaläm yulçılığı, avtonom yörtü, êlektrlı transport häm yasalma zihen…

İñ axırğısı - dön’yada iñ yış qullanıluçı sośial’ media platformalarınnan berse Twitter.

Cirneñ kiläçägen bilgeli häm proyektlıy aluçı bik küp şirkät İlon Masknıñ idaräse astında. Ul 250 milliard dollardan artıq baylığı belän dön’ya bazarlarına yoğıntı yasıy ala.

Şulay itep, ber keşeneñ qulında cıyılğan barlıq bu mömkinleklär anı dön’yadağı iñ köçle keşegä äwerelderdeme? AQŞ mediası fikerençä, cawap - äye…

"Barmağın ber çirtsä - bazarlarnıñ yünäleşe üzgärä”

İlon Mask Amerika Quşma Ştatlarında çığuçı 98 yıllıq Taym jurnalı tarafınnan “Yılnıñ keşese” bularaq ataldı. Matbuğat çarasınıñ başqarma mödire häm baş möxärrire Êdvard Fel’sental’ isä Mask turında bolay dip söyli: “Yılnıñ keşese - ber täêsirneñ bilgese. Dön’ya östendä dä, dön’ya tışında da İlon Mask qadär yoğıntısı bulğan bik az keşe bar. Ul barı tik dön’yadağı iñ bay keşe tügel, cämäğat’çelekkä zur üzgäreşlär kitergän keşe bularaq qarşıbızğa çıqtı.”  

Dön’yadağı iñ bay keşeneñ üzeneñ öye yuq häm soñğı waqıtta mirasın sata. Ğalämgä iyärçennär cibärä. Üze uylap tapqan, benzin qullanmawçı häm yörtüçegä dä ixtiyacı bulmağan maşinada yöri. Barmaq şartlatıp qına da bazarlarnıñ yünäleşen üzgärtä.

“Wall Street”nıñ küzläre İlon Maskta

“Bloomberg” yazuçısı Mêtt Levin fikerençä, dön’yadağı iñ zur birja üzäge Wall Street xäzer İlon Masknıñ här süzenä iğ’tibar birä başladı.

Tesla, SpaceX, Neuralink, The Boring Company, OpenAI häm Zip2 şikelle şirkätläre belän mäşhür İlon Mask bügengä qadär ğaläm texnologiyäläre belän revolyuśiyä yasadı.

Zur uñışlarğa ireşkän 50 yäş’lek êşmäkär aprel’ ayında ğaläm şirkäte  SpaceX belän AQŞ astronavtların Ayğa töşerü öçen maxsus kileşü tözede.

Mask qaysı tarmaqlarğa yünäleş birä?

AQŞ milliarderı global’ iq’tisadnıñ kiläçägen bilgeläyäçäk sośial’ media, ğaläm yulçılığı, avtonom yörtü, êlektrlı transport häm yasalma zihen şikelle kiñ külämle industriyälärdä başqa berkem buldıra almağan qadär näticäle.

Masknıñ bik küp qızıqsınuları arasında keşelärneñ A noqtasınnan B noqtasına baru räweşen töptän üzgärtü häm şul uq waqıtta tulısınça yaña B noqtası mömkinlekläre barlıqqa kiterü bar. Bu B noqtası, Masknı küzätep baruçı keşelär belä torğandır, Qızıl planeta Mars. Başta Ayğa, annarı Marsqa oçu räweşe isä SpaceX belän üzgärä.

Şähär transportına Mask täêsire

İlon Mask keşelärne Marsqa yäisä Ayğa oçırtudan tış, öylärenä yäisä êşlärenä iltü mäs’äläsendä dä êşçänleklär alıp bara. Bu proyektnıñ tormışqa aşu öçen iñ yaqın bulğanı, älbättä, “Boring Company” şirkäte çığarğan Giperloop proyektı. Anıñ belän şähär êçendä säğatenä 240 çaqrım tizlekkä citü planlaştırıla.

Keşeneñ baş miyenä ireşü omtılışları

İlon Mask ğaläm häm transport texnologiyälärennän tış keşe baş miyen tikşerü häm şunıñ belän qayber çirlärne kirtäläwne maqsat itep quya.

AQŞlı milliardernıñ neyrotexnologiyä şirkäte Neurolink baş miye çipın keşelärdä sınawnı başladı inde. Älege icatnıñ yaqın kiläçäktäge maqsatı

Al’śgeymer häm Parkinson şikelle xastalıqlarnı däwalaw.

Êşlänmä qolaq artına urnaştırıla. Ul keşeneñ çäç börtegeneñ 4tän bere qalınlığındağı 4 êlektron cepseldän häm aña bäyle çiptan ğıybarät. Cihaz neyronnarnı häm nerv oçların stimulyaśiyälärgä tiyeş.  

Axırğı adım - sośial’ media

Dön’yadağı iñ ähämiyätle sośial’ media kanallarınnan berse Twitterğa kertem yasağannan soñ Mask şirkätne tulısınça satıp alırğa qarar birde.  

Belgeçlär fikerençä, akśiyälär öçen 43 milliard dollar täq’dim itkän êşmäkärneñ älege platformada tulı xuca bulu mäs’äläsendäge üzsüzlelege isä yaña näsel medianı kiläçäk öçen formalaştıru telägenä bäyle. 1 milliard 300 million qullanuçısı bulğan Twitternıñ barı 330 millionı aktiv. Qullanuçılarnıñ profil’läre isä şirkätlär, säyäsätçelär, sänğat’çelär häm başqa ictimağıy êşleklelärdän ğıybarät.  

Çığanaq: TRT Xäbär