Törki şuranıň rӓsmi tışqı sӓyӓsӓt tikşerenü üzӓklӓre cıyılışı
Awraziya qaytawazı - 49/2020
Ağımdağı yılnıň 19 nçı noyabrendӓ Qırğızstan Cömhüriyӓte milli strategik tikşerenülӓr institutı rӓislegendӓ Törki şura rӓsmi tışqı sӓyӓsӓt tikşerenü üzӓklӓreneň 6 nçı cıyılışı uzdı. Onlayn rejimda uzğan cıyılışta Azӓrbaycan, Qazaqstan, Qırğızstan, Vengriya, Üzbӓkstan hӓm Törkiyӓ strategik tikşerenülӓr institutlarınıň citӓkçelӓre qatnaştı. İskӓ töşerӓbez: Törki şuranıň rӓsmi tışqı sӓyӓsӓt tikşerenü üzӓklӓre arasında xezmӓttӓşlek kileşüe 2015 nçe yılnıň 8 nçe mayında Baqıda imzalanğan ide.
Cıyılışnıň açılış çığışın Törki şura ğomum sӓrqӓtibe Bağdad Amreyev yasadı. Ul üz çığışında oyışmağa ӓğ’za dӓwlӓtlӓr arasında tışqı sӓyӓsӓttӓ tağın da köçle konsensus buldırırğa hӓm global’ sӓyӓsi sӓxnӓdӓ tağın da yuğarı dӓrӓcӓdӓ üzara yӓrdӓm tӓêmin itüne maqsat itep quyuların assızıqladı. Ğomum sӓrqӓtip Bağdad Amreyev Törki şurağa küzӓtüçe bulırğa telӓgӓn il sanınıň da artuın belderde. Cıyılışta qatnaşuçı citӓkçelӓr Kovid -19 belӓn körӓş, Azӓrbaycannıň yawdan qotqarılğan töbӓklӓreneň torğızıluı, mӓğarif xezmӓttӓşlege kebek temalarğa çığış yasadılar. Törki cömhüriyӓtlӓrneň bӓysezlegeneň 30 yıllığına bağışlanğan maxsus basmalar ӓzerlӓw mӓs’ӓlӓse dӓ cıyılış kön tӓrtibennӓn çittӓ qalmadı.
Cıyılış azağında Azӓrbaycan xalıqara mönӓsӓbӓtlӓrne analizlaw üzӓge başlığı Fӓrit Şafiyev tӓq’dime buyınça yaqlar Törki şuranıň rӓsmi tışqı sӓyӓsät tikşerenü üzӓklӓreneň çirattağı cıyılışın Azӓrbaycannıň Şuşa şӓhӓrendӓ ütkӓrü qararına kildelӓr. Bilgele, bu bik urınlı qarar ide.
Soňğı yıllarda törki dönyanıň urtaq xalıqara oyışmalarınıň êşçӓnleklӓre hӓm çaraları arta bara. Mondıy oçraşularnı yış ütkӓrü ӓlege oyışmalarda urtaq qaraş formalaştıruğa yӓrdӓm itӓçӓk. Törki şuranıň rӓsmi tışqı sӓyӓsӓt tikşerenü üzӓklӓre cıyılışlarınıň waqıtında uzdırıluı da söyeneçle xӓl. Çönki bu oyışmalar törki cömhüriyӓtlӓrneň xalıqara arenada tağın da nӓticӓlerӓk êşlӓwe öçen aktiv strategiyӓlӓr uylap tabalar.
Cıyılışta telgӓ alınğan “Törki dönya vizionı - 2040” programmasınıň êçtӓlegen törki dönyanıň strategik üzӓklӓre ӓzerlӓyӓçӓk. Şuňa kürӓ Törki şura barı tik dӓwlӓtneň rӓsmi töşençӓ oyışmaların ğına tügel, törki dönyanıň barlıq töşençӓ oyışmaların berlӓşterergӓ hӓm alarğa törki dönyanıň kilӓçӓgen bergӓ tözüdӓ citӓkçelek itӓrgӓ tiyeş. Şulay itep törki cömhüriyӓtlӓrdӓ törki dönya aňlılığı buldıru mömkin bulaçaq.
Bilgele bulğança, törki cömhüriyӓtlӓrdӓ töşençӓ oyışmaları yaňa ğına üsӓ başladı. Törki cömhüriyӓtlӓr salımnarınıň ber öleşen mondıy tördӓge oyışmalarğa yӓrdӓm itü öçen ayırıp tarmaqnıň finans problemaların çişӓ ala. Alğa kitkӓn illӓr dӓ oxşaş ısullar belӓn bu ölkӓgӓ investiśiyӓlӓr kertӓ.
Törki cömhüriyӓtlӓrneň bӓysezlegeneň 30 yıllığına bağışlanğan maxsus basmalar ӓzerlӓw qısalarında mondıy basmalarnı oyışmağa ӓğ’za hӓm küzӓtüçe böten dӓwlӓtlӓrneň tellӓrendӓ bastıru bik urınlı bulır ide.
Törkiyӓ cömhüriyӓtlӓrneň töşençӓ oyışmaları köçlӓren berlӓştergӓndӓ törki dönyanıň kilӓçӓge tağın da yaqtıraq bulaçaq.
