Törek kähwäse Awrupada

Xäzerge waqıtta kähwä êçü kiñ cäyelgän Avstriyäneñ törek kähwäse belän Ğosmanlı ğaskärläre Venanı qamalışta totqan waqıtta tanışuın belä idegezme?

Avstriyälelär törek kähwäsen täwge tapqır 1683nçe yılda tatıp qarıy. Döresen genä äytkändä, älege xuş isle êçemlek Awrupağa annan aldaraq ta açılğan ide. Tarixçılar beldergänçä, 1669nçı yılda Ğosmanlı wäkile Xoşsöxbät Nüktädan Söläyman ağa törek kähwäse belän Parijnıñ yuğarı zatların sıylıy. Ul waqıtta Franśiyä başqalasında Söläyman ağanıñ torağına kähwä êçärgä çaqırılu zur östenlek sanala.

Törek kähwäse 17nçe ğasır häm annan sonğı çorlarda Ğosmanlı sarayları häm töreklärneñ alıştırğısız êçemlege bula. Alay ğına tügel, anı tatıp qarawçı çit il keşeläre dä ğomergä ğaşıyq bula. Alar arasında bik mäşhür isemnär bar. Aleksandr Dyuma, P’yer Loti, Mol’yer, Viktor G’yugo häm Bal’zak törek kähwäsen yaratuçılarnıñ berniçäse.