Nogayça 122: Maraz bizge rahmet bolgan (4)
Bu yuma “MARAZ BİZGE RAHMET BOLGAN ” baresinde habarlasamız...
![Nogayça 122: Maraz bizge rahmet bolgan (4)](http://cdn.trt.net.tr/images/xlarge/rectangle/fa27/fd65/5599/598eee5e357a6.jpg?time=1718835737)
Marazdıñ maneleri,
Em manevi aqıyqatı,
Baresinde bîr alimdiñ
Aytqanları nav bolgan:
“Ey marazga tüsken insan!
Bu zamanda körgenim,
Em de pikrim nav bolgan:
Sosı maraz bazılarga,
İlahi ihsan bolgan.
Em Quday’dan so insanga,
Kelgen ediya bolgan...
Tiyisli bolmasam da
Avrıgan bazı yaslar,
Menden duva tilev üşün,
Bazı qasıma kelip
Menminen söylestiler.
So vaqıtta dıqqat ettim,
Qaysı yas avrıp kelse,
Basqa yaslarga nispet
Ahiretti oylagan...
Oga yaslıq esrikligi,
Maraz sebep ugramagan.
Gapletpinen oga kelgen,
Ayvanlarda tabılgan
Yaman yaman havaslardan,
Bîr darace özini,
So marazban qutargan.
Men de so aqıyqat sebep,
Qatlanganı marazlardıñ
Allah betten insanga
Bîr iygilik bolganını,
Yaslarga atirleter edim!
Em de nav kepte onlarga,
Bazı sözler aytar edim:
“Qardaşım men sendeki
Marazga qarşı tuvılman.
Nav marazından sebep
İşimden ayav kelip
Saga acımaganga
Dua etkim kelmegen.
Endi nav maraz seni
Tamam uyandırgaşe,
Sabırga qayrat et!
Marazdıñ vazipesi,
Qay zaman tamam bolsa,
Maramatlı yaratuvşı,
İnşallah şifa beriyek!
Em nav sözdi tagı,
Onlarga aytar edim:
“Senin bazı qosagın
Savlıq belasıman olar
Gapletke tüseberip,
Em namazın terk etip,
Qabirge kireyigini,
Esine eş akelmey;
Tagı Allah’tı mıtıp
Bîr saatlik dünyadıñ
Köringen keypimen
Abadi yaşavını,
Senkildedip zadeleydi.
Atta ahiret üyini,
Yıgıp yermen bîr etedi.
Sen marazdıñ közimen
Soñında barıyagın
Bîr duragın qabrindi,
Em taga artında,
Ahirette ugrayagın
Aldındaqı orınlardı,
Nav marazban körersin...
Ene sosı pikirmen
Etken isin ne bolsa,
Oylayberip etersin!
Demek saga nav maraz,
Aslında savlıq bolgan...
Senin bazı qosagında,
Bolgan sosı savlıqları,
Özlerine maraz bolgan.”
Burungıda aytılgan
Manevi darilerge,
Altınşı bîr dari em
Nav aytılganlar bolgan:
“Ey muñgunluqtan şikayet
Etken marazlı adem!
Men senden sorayman:
Ozgan ömrindi oylasan;
Em sosı ömrindeki
Tedim tolı künlerindi,
Em musibetli vaqıtlardı,
Bîr bîr eslep atirlesen,
Sosı vaqıt aytıyagın
Ya “oh!” ya de “ah!” bolgan!..
Ya “Elhamdülillah köp şükür!”
Yade “yazıq, köp yazıq;
Qoldan şıqqan künlerimge!”
Dep yürekten küyiyeksin;
Ya işten süyüniyeksin...
Qalbinmen ya tilinmen,
Ya asret tartıyaq,
Ya de şükür etiyeksin!
Endi dıqqat etsen sen,
Basından ötip ketken
Bela, musibettñn oyı,
Saga tedim beriyek;
Qalbin şükür etiyek.
Nege desen muñundıñ
Ketkeni tet berer.
So musibetten qutulganga
Senin qalbin süyiniyek.
Seni qutargan Allah’qa,
Alal şükür ettiriyek...
Saga “Eyvah, köp yazıq!”
Dedirgen aller bolsa,
Yahşı neşe tedimmen
Ozgan künin bolıyaq...
Sosınlardıñ ötkeni,
Saga asret beriyek.
Sosı asretten sebep
Yüregin köp küyiyek...
Eger bîr de zavqların
Halal bolmay haram bolsa
Bîr küni, bîr sane,
Saga qaygı beriyek...
So sebepten marazda,
Bîr künlük qaygın bolsa,
Saga neşe künler dayim
Manevi savap tati;
Em qıyınlıqtan qutulganın
Saga nazzet beriyek!
Sen endi basındaqı
Ötip ketiyek marazındıñ
Soñını em işindeki
Savablarını oyla!
“Bu da öter ya hu!” dep
Şikayet etiyegine
Yüreginden şüküret !
Savlıqpan qalıñız!
Dr. Yusuf ALTINIŞIK
E-mail: altinisikyusuf@gmail.com