58 qanunsız neft’ êşkärtü urını yuq itelde

Afrika qıytğasınıñ neft’ häm tabiğıy gazğa bay däwläte Nigeriyanıñ Bayelsa häm Del’ta töbägendä tağın 58 qanunsız neft’ êşkärtü urını yuq itelde.

Del’ta iminlek idaräsennän belderülärençä, soñğı waqıtta neft’ urlawlarğa qarşı alıp barıluçı operaśiyälärdä uñay xäbärlär bar. Qara altınnı qanunsız räweştä çığaruçılarğa çik quyalar.

Nigeriyada neft’ urlawlar arqasında ilneñ qara altın kvotası köndälek 1,8 million barrel’dän 1 million barrel’gä töşte. İldä xäzergä qadär bilgele neft’ rezervı yaqınça 37 milliard barrel’. Ul dön’yadağı yatmalarnıñ 3,1%ı. Älege il iñ küp neft’ rezervı isemlegendä 8nçe.

Nigeriya neft’ çimalı çığaruda dön’yadağı berençe 15 il arasına kerä häm qara altınnı çitkä satuda 6nçı urında.

İlneñ neft’ yatmaları bulğan Rivers häm Del’ta töbäklärendä kön sayın 1,5 million barrel’dän artıq çimal çığarıla ala. Tik qorallı törkemnärneñ sabotajları, bäreleşlär häm keşe urlaw şikelle waqıyğalar arqasında kimendä 500 meñ barrel’lek mömkinlekneñ qullanılmawı äytelä.