Bangladeşta köçle dawıl

Bangladeş yarlarında xakimlek itüçe “Remal” śiklon dawılı säbäple 800 meñnän artıq keşe êvakuaśiyälände. Bu xaqta ğadättän tış xällär öçen cawaplı ministr Möxibur Raxman citkerde. Ul yar buyındağı toraq punktlarda yäşäwçe xalıqnı iminlekläre öçen kiçekmästän êvakuaśiyä üzäklärenä barırğa çaqırdı. “Dawılğa qarşı toru öçen böten äzerleklärne başqardıq. Bar keşe dä kürsätmälärne ütäsä, bu afättän isän-saw çığaçağıbıznı ömet itäm”,-dide ministr.

Wäqalätle citkergänçä, êvakuaśiyälänüçelär öçen 9 meñnän artıq sıyınu urını äzerlängän, alar citärlek däräcädä azıq-tölek häm su belän täêmin itelgän.