“Bu mäğ’näsezlekne tuqtatığız”

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell İzrail parlamentınıñ BMOnıñ Yaqın Könçığıştağı fälästinle möhacirlärgä yärdäm häm mäşğul’lek agentlığın “terrorçı oyışma” dip tanırğa tırışuına rizasızlıq belderde. “Bu mäğ’näsezlekne tuqtatığız”,-dide ul.

Borrell “X” platformasındağı yazmasında bolay di: “Agentlıqnıñ tıyuluı häm “terrorçı” dip tamğalanuı, ä bu alay tügel, regiondağı totrıqlılıq häm BMO agentlığınıñ êşçänlegennän faydalanğan härkemneñ keşelek abruyına qul kütärü digän süz”.

İzraildä BMOnıñ Yaqın Könçığıştağı fälästinle möhacirlärgä yärdäm häm mäşğul’lek agentlığın “terrorçı oyışması” iğ’lan itüçe, ildäge êşçänleklären tıyuçı häm xezmätkärläreneñ qağılğısızlığın beterüne küzallawçı 3 qanun ölgese parlamenttağı berençe tawış birüdän uzdı.