Paqıstanda +50 gradus

Paqıstanda kiçä termometrlar +50 gradusnı kürsätte.

İlneñ meteorologiyä xezmätennän belderülärençä, Laxor cirlegendä temperaturanıñ +43kä citüe häm dımlılıq däräcäseneñ 17% bularaq ülçänüe küzätelde. Belderüdä başqa şähärlärdä dä cılılıqnıñ +40 gradustan yuğarı terkälüe äytelä.

Paqıstannıñ Sindx töbägendäge Dadu häm Moênjodaroda termometrlar +50, Navabşax häm Sukkurda +49nı, Bälücistan töbägeneñ Sibi häm Turbat qalalarında +48ne kürsätä.

Wäqalätlelär êsse hawa dulqını häm êsse suğu säbäple ülem qurqınıçına qarşı xalıqnı kisätte. Kiräkmägändä uramğa çıqmasqa häm su êçärgä kiñäş itälär.

Paqıstanda 2015nçe yılda bulğan çiktän tış êsseleklärdä termometrlar +49gradusqa qadär kütärelgän ide. Ul waqıtta, bigräk tä, Karaçi şähärendä yaqınça 2 meñ keşe susızlıqtan häm êsse suğudan ülde.