AQŞ ilçelegenä-raketa

Ğıyraq başqalası Bağdadtağı AQŞ ilçelege yanına häm xärbi bazasına raketa cibärdelär. Höcümnärne kem oyıştıruı älegä äytelmäde.

Ğıyraq iminlek çığanaqlarınnan alınğan mäğ’lümatlarğa qarağanda, AQŞ ilçelege yanına 2 raketa cibärelgän. Şunnan soñ diplomatik missiyädä xäwef sirenaları êşlägän. İlçelek urnaşqan yäşel zonağa kerü-çığu yulları iminlek köçläre tarafınnan yabılğan.

Şul uq waqıtta Salaxaddin töbägendä AQŞ köçläre urnaşqan ildäge iñ zur xärbi baza Bälädkä dä raketalı höcüm buldı.

Aq Yort qanun qısalarında kiräkle bulğan dokument - Qasıym Söläymaninıñ üterelüe belän bäyle belderü qäğazen Kongressqa cibärüen xäbär itte. Anıñ êçtälege ser bularaq qala.