Belmi qalmağız 49

Dönyadağı xalıq sanınıñ artuına qaramastan qullanıluçı tabiği su çığanaqlarınıñ könnän-kön azayuı sunı iğtibarlı qullanunı mäcbüri qıla. Töp yäşäw çığanağıbız bulğan häm şaqtıy ölkädä qullanıluçı su kiräkle saqçıllıq çaraları kürelmägän oçraqta can iyäläre öçen citärsez qalaçaq. Sunı saqçıl qullanunıñ iñ tä’sirle yulı – saqçıllıq caylanmalarınnan faydalanu.

Qullarnı, sawıt-sabanı yuğanda basımlı suğa ixtıyac bar. Krannarğa totaştırıluçı caylanmalar yärdämendä äz miqdardağı su da yaxşı ağa. Alar yärdämendä sunı 70% tiräse saqçıl qullana alabız.

Su israfın buldırmawçı ikençe caylanma isä saqçıl duş başlığı. Mondıy başlıqlar sunıñ ber ük miqdarda häm basımlı bularaq ağuın tä’min itä. Şul räweşle sıyfatlı duş alğanda sunıñ küp ağuına da kirtä quyarbız.

Bolar belän ber rättän waqıtqa qarap köylängän, kürep ala torğan häm xäräkätne sizep ala torğan krannar qullanu urınına kürä sunı saqçıl totarğa yärdäm itä.

Ayıruça baqçadağı şlanglarğaa urnaştırıluçı caylanmalar su miqdarın zur ülçämdä azaytırğa bulışa.

Sunı tağın da uñdırışlı qullanırğa yärdäm itüçe bu häm oxşaş cihazlar sunı saqçıl qullanuda zur ähämiyätkä iyä. Här ölkädä mondıy cihazlarnıñ qullanıluı bik möhim. Ağıp toruçı krannarnıñ da qısqa waqıtta tözätelüe kiräk. Şunı onitmiq: sunı saqçıl qullanu – tormışnı saqlawdır.