Belmi qalmağız 48
Öylärdä cılılıq izolyatsiyäse
Häm byudjetıbız häm dä moxitıbız öçen iyä bulğan böten çığanaqlarnı iñ näticäle räweştä qullanuıbız kiräk. Çığanaqlarnıñ näticäle qullanıluı barı tik äz energiya sarıf itep kenä tügel, tağın da äzräk energiya belän tağın da yuğarı näticäne alırğa mömkin.
Öylärdä cılınu öçen sarıf itelgän energiyanıñ näticälelege dä öy cılılığın saqlap artaçaq. Yaxşı itep izolyatsiyälängän binada cılınu yäki suıtu öçen sarıf itelgän energiya yartılay azayaçaq.
Cılınğan hawa öskä taba kütärelgäne öçen binalardağı cılılıq yuğaluınıñ möhim ber öleşe tübädän bula. Şuña kürä dä tüşämneñ izolyatsiyälänelüe bik zur ähämiyätkä iyä. Tüşäm häm tübä töbäktäge klimat şartlarına qarap 5 belän 10 santimetrlıq yaraqlı izolyatsiya materialı belän qaplanırğa tiyeş.
Binanıñ tıştan izolyatsiyälänelüe dä cılılıq yuğaluın buldırmawnıñ iñ möhim öleşlärennän berse. Binalarnıñ belgeçlär tarafınnan bilgelängän döres material belän izolyatsiyälänelüe belän cılınu häm suıtu çığımnarın sizelerlek däräcädä azaytır.
Öyebezdäge cılılıqnıñ yuğaluına säbäp bulğan möhim ber noqta – işeklär häm täräzälär. Öydäge cılılıqnın yaqınça25% biredän tışqa çığa, salqın hawa biredän kerä. Täräzälärdäge cılılıq yuğaltuın totqarlawnıñ iñ tä’sirle yulı – cılı pıyala, yäğni termik täräzälär yäisä ike pıyalalı täräzälär qullanıla. Byudjetıbız moña citmägän oçraqta isä işek häm täräzälärdäge buşlıqlarnı ştukaturka, silikon kebek materiallar belän tutırırğa kiräk. İşeklär belän täräzälärneñ eçenä izobant yabıştırıp, hawanıñ ütüen iñ äz däräcägä töşerergä kiräk. Watılğan häm çatnağan täräzälärne motlaq räweştä almaştırırğa kiräk.
Onıtmıyq, cılıtu çığımnarıbıznı azaytu häm yäşäw standartıbıznı kütärü öçen iñ möhim adım – öydäge cılılıq izolyatsiyase.