حضور هزاران جنگجوی خارجی در مرز افغانستان با تاجیکستان
ژنرال رجبعلی رحمانعلی از فرماندهان ارتش تاجیکستان اعلام کرد بیش از 6 هزار جنگجوی خارجی در آن سوی مرز این کشور با افغانستان تجمع کردهاند
1153103
ژنرال رجبعلی رحمانعلی، فرمانده نیروهای مرزبانی تاجیکستان گفت: بیش از 6 هزار جنگجوی خارجی در آن سوی مرز تاجیکستان در ولایتهای بدخشان، تخار و قندوز افغانستان تجمع کردهاند.
به گزارش آژانس خبری اوستای تاجيكستان، وی این سخنان را در همایش مسئولین مرزی کشورهای آسیای مرکزی، روسیه و افغانستان در شهر دوشنبه بیان داشت و افزود:
"بیش از 16 هزار تن از عناصر گروههای تروریستی داعش، طالبان، انصارالله و حرکت اسلامی ترکستان در مناطق مذکور تجمع کردهاند که بیش از 6 هزار نفر آنان خارجی هستند. آنها در 36 اردوگاه آموزش تروریستی دیدهاند".
گفتنی است کنفرانس منطقهای مبارزه با تروریسم، قاچاق انسان، اسلحه و موادمخدر بعد از ظهر امروز 26 فوریه با حضور مقامات مرزبانی کشورهای آسیای مرکزی، روسیه وافغانستان در کتابخانه ملی تاجیکستان در شهر دوشنبه برگزار شد.