گفتگوی تلفنی روسای جمهوری تاجیکستان و افغانستان
امامعلی رحمان و محمد اشرفغنی رؤسای جمهوری تاجیکستان و افغانستان عصر امروز تلفنی گفتگو کردند.
به گزارش پایگاه اطلاع رسانی ریاست جمهوری تاجیکستان، امامعلی رحمان رئیس جمهوری این کشور عصر امروز با محمد اشرفغنی همتای افغانستانی خود به صورت تلفنی گفتگو کرد.
روسای جمهوری تاجیکستان و افغانستان در این مکالمه تلفنی، مسائل مختلف دوجانبه و چند جانبه از جمله همکاری های امنیتی و نظامی دو کشور در مبارزه با تروریسم و قاچاق مواد مخدر را مورد بحث و تبادل نظر قرار دادند.
طرفین همچنین بار دیگر تاکید کردند که تامین ثبات و امنیت برای مردم منطقه، هدف عمده همکاری های دوشنبه و کابل است.
رؤسای هر دو کشور در خصوص اتخاذ اقدام های مؤثرتری در زمینه مبارزه با تروریسم و تامین ثبات و امنیت در مرزهای مشترک دو کشور به توافق رسیدند.
در جریان این صحبت تلفنی رئیسجمهوری افغانستان از همتای تاجیکستانی خود برای بازدید از کشورش دعوت به عمل آورده و رحمان نیز از دعوت وی استقبال کرد.