ولسمشر اردوغان د قزاقستان ولسمشر ته د تسلیت پيغام ولیږه

د تورکیې ولسمشر رجب طیب اردوغان د قزاقستان ولسمشر قاسم چومرت توقایف ته د دې هیواد په ځنګلونو کې د اور لیګیدونو په پیښو د ۱۴ تنو وژل کیدو له امله  خواخوږي څرګنده کړه.

د ولسمشرۍ ماڼۍ د عامه اړیکو د ریاست لخوا په خپره شوې خبرپاڼه کې راغلي دي چې اردوغان د توقایف سره په ټیلیفون خبرې وکړې.

په دې ټيلیفوني خبرو کې اردوغان د قزاقستان په ځنګلونو کې د اور لګېدنې له امله وژل شویو کسانو ته د خدای له درباره د فردوس جنت او ټپیانو ته د عاجلې روغتیا هیله وکړه.

اردوغان د قزاقستان حکومت او ملت ته د تسلیت او ډاډګیرنې مراتب وړاندې کړي‌  او قزاقستان سره هر ډول مرستې ته چمتوالی ښودلی دی.