ولسمشر اردوغان نیویارک ته ورسید
د ترکیې ولسمشر رجب طیب اردوغان چې د ملګروملتونو سازمان په ۷۶ یم عمومي اجلاس کې د ګډون په موخه امریکا متحده ایالتونو ته سفر کړی وو د نیویارک ښار ته ورسید.
د ولسمشر اردوغان نه د نیویارک د جان اف کینیدي په هوايي ډګر کې د ترکیې د بهرنیو چارو وزیر مولود چاووش اوغلو ، په امریکا کې د ترکیې لوی سفیر حسن مراد مرجان او یو زیات شمیر نورو چارواکیو لخوا هر کلی وشو.
د ویلو ده چې د ولسمشر اردوغان سره پدې سفر کې د هغه میرمن آمنه اردوغان ، د ملي دفاع وزیر خلوصي اکار، د سوداګرۍ وزیر محمد موش، د کولتور او ګرځندوی وزیر محمد نوري ایرسوی او د عدالت او پراختیا ګوند چار سمبالی بنعلي یلدرم ملګرتیا کوي.
ولسمشر اردوغان به د سې شنبې پر ورځ د ملګروملتونو عمومي اجلاس ته وینا وکړي. د ویلو ده چې ولسمشر اردوغان به د خپل دې سفر په چوکاټ کې د امریکا د ولسمشر جو بایدن په ګډون د یو زیات شمیر هیوادونو د مشرانو سره لیدنې وکړي.
اړوند خبرونه
اردوغان : د تورکیې او روسیې ترمنځه پیوستون او اقتصادي اړیکې دوام لري
د تورکیې ولسمشر رجب طیب اردوغان وویل چې د تورکیې او روسیې ترمنځه پیوستون او اقتصادي همکاري دوام لري.