د عراق په شمال کې د ترکیې دوه تنه اتل سرتیري په شهادت ورسید
د ترکیې دوه تنه سرتیري د عراق په شمال کې د روانو پوځي عملیاتو په ترڅ کې په شهادت ورسیدل.
د ترکیې د ملي دفاع وزارت د بیان په خپرولو سره ویلي دي چې زمونږ دوه تنه اتل سرتیري تیره ورځ د عراق په شمال کې د ترهګرۍ پر وړاندې په روانو عملیاتو کې په شهادت ورسیدل.
په بیان کې راغلي دي چې د عراق په شمال کې په عملیاتو بوختو د ترکیې وسله واله ځواکونو تیره ورځ د ترهګرو سره مخامخ نښته وکړه.
د نښتې پر مهال د ترکیې یو تن اتل سرتیری د ترهګرو لخوا په سیمه کې په ځای په ځای شوو چاودیدونکو توکو وخوت او چاودنه وشوه . پدې چاودنه کې یو تن اتل سرتیری په شهادت ورسید او یو تن بل سخت ټپي شو چې د درملنې په موخه سمدلاسه روغتون ته انتقال کړی شو.
ټپي شوي سرتیري هم د اخیستو ټپونو له امله په روغتون کې ساه ورکړه او د شهادت مرتبه ته ورسید.
اړوند خبرونه
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.
