ولسمشر اردوغان : ارمنستان د سیمې د سولې او ثبات پر وړاندې ستر ګواښ دی
ولسمشر اردوغان د ارمنستان لخوا پر اذربایجان د بریدونو په اړه ډیر سخت غبرګون وښود
![ولسمشر اردوغان : ارمنستان د سیمې د سولې او ثبات پر وړاندې ستر ګواښ دی](http://cdn.trt.net.tr/images/xlarge/rectangle/bb65/4a89/56ab/5f7077c86f42d.jpg?time=1718779546)
د ترکیې ولسمشر رجب طیب اردوغان وویل چې ، ارمنستان یو ځل بیا دا ټولو ته په ډاګه کړه چې د سیمې د سولې او ثبات پر وړاندې تر ټولو ستر ګواښ دی.
ولسمشر اردوغان د ارمنستان لخوا د اذربایجان په خاوره د بریدونو په اړه ویلي دي چې « ارمنستان په اذربایجان د بریدونو سره یو ځل بیا ټولو ته دا خبره په ډاګه کړه چې د سیمې د سولې او ثبات پر وړاندې تر ټولو ستر ګواښ دی. ترک ملت د تل په څیر نن ورځ هم د خپل ټول طاقت ، قوت او امکاناتو سره د ورور هیواد اذربایجان ترڅنګ ولاړ دی .»
ولسمشر اردوغان د ارمنستان د پارونکو بریدونو په مسئله کې نړۍوالې ټولنې په چپتیا د سختې نیوکې سره ویلي دي « نړۍوالې ټولنې د ارمنستان د بریدګر دریځ او پارونکو اقداماتو پر وړاندې د چپه خولې پاتې کیدو او ددې هیواد پر وړاندې د لازم غبرګون د نه ښودو سره یو ځل بیا خپل تبعیض وښود. د منسک ډله چې د نږدې ۳۰ کلونو راهیسې غفلت نه ډک دريځ ته دوام ورکوي له بده مرغه چې موجودې ستونزې ته د حل د موندولو نه ډیره لرې ده. د مینسک ډله د روسیې، امریکا او فرانسې نه جوړه ده.»
ولسمشر اردوغان د ارمنستان په خلکو د خپلو موجودو چارواکو چې د نورو په اشاره او غوښتنه هیواد د فلاکت پر لورې راکاږي د مخنیوي غږ کړی دی. همداشان ټولې نړۍ ته چې د اشغال او ظلم پر وړاندې مبارزه کوي د اذربایجان ترڅنګ د دریدو بلنه ورکړې ده .
ولسمشر اردوغان وویل چې نن يي د ورور هیواد اذربایجان د ولسمشر الهام عليوف سره ټيلیفوني خبرې وکړې . هغه ته مو وویل چې ترکیه د یو ملت او دوو دولتونو د درک سره د خپل ورور هیواد اذربایجان ترڅنګ ولاړ دی او قوي ملاتړ ترې کوي.
اړوند خبرونه
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718779546)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
![د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.](http://cdn.trt.net.tr/images/medium/rectangle/cf40/85da/3642/666855ba58df0.jpg?time=1718779546)
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.