پاکستان د ترکیې لوی درستیز ستر جنرال یاشار ګولر ته د امتیاز عالي نښان ورکړ.
د پاکستان ولسمشر د ترکیې ستر درستیز ته عالي نښان ورکړ
د ترکیې ستر درستیز یاشار ګولر چې د رسمي سفر په ترڅ کې پاکستان ته تلی وو د نوموړي هیواد د ولسمشر ایاز علوي لخوا ورته د پاکستان د امتیاز عالي نښان ورکړ شو.
هغه ته د عالي نښان ورکولو پدې مراسمو کې د پاکستاني مقاماتو سربیره په پاکستان کې د ترکیې لوی سفیر احسان مصطفی یوداکول هم ګډون کړی وو.
د پاکستان ولسمشر علاوي پدې مراسمو کې د خپلې وینا په ترڅ کې د ترکیې او پاکستان قوي اړیکو ته په اشارې سره وویل " د پاکستان او ترکیې اړیکې د کلونو په تیریدو سره په یو قوي ستراتیژیک شراکت بدلې شوي دي. دواړه هیوادونه د ګډ دین، کولتور او میراث خاوندان دي."
هغه وویل چې پاکستان د ترکیې او مالیزیا سره د اسلام دښمنۍ پر خلاف په ګډه د تلویزیوني کانال د جوړولو پریکړه کړې. ترکیې تل او په هر مشکل کې د پاکستان نه ملاتړ کړی دی ، د کشمیر مسئله ددې ښکاره او ژوندی مثال دی. ترکیې د کشمیر په مسئله کې د پاکستان نه قوي ملاتړ وکړ.
د ترکېې ستر درستیز یاشار ګولر بیا د خپلې وینا په ترڅ کې وویل ترکیه د کشمیر په مسئله کې د پاکستان نه ملاتړ ته دوام ورکوي او هیله کوي چې د کشمیر مسئله د ملګروملتونو سازمان د پریکړو په رڼا کې حل شي.
د پاکستان ولسمشر وروسته یاشار ګولر ته د پاکستان د امتیاز عالي نښان چې د ولسمشرانو نه وروسته تر ټولو ځانګړو چارواکیو ته ورکول کیږي ورکړ.
اړوند خبرونه
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.