د ترکیې  د کوجه یلی  په ولایت کې د کډوالو کښتۍ ډوبه شوه.

د ترکیې  د کوجه یلی  په ولایت کې د کډوالو کښتۍ ډوبه شوه.

د ترکیې د سواحلو د امنیت قومندانۍ  د معلوماتو له مخې  د کوجه یلي  ولایت د کفکان  په سواحلو کې  د کډوالو کښتۍ  په سمندر کې ډوبه شوه.

په پیښه کې تر اوسه پورې  ۴ تنه مړه  او د ۱۵ نه تر ۲۰ تنو پورې  لادرکه شوي دي.

۳۸ تنه کډوال  د سواحلو د امنیت لخوا  ژغورل شوي دي.

د لا درکه شوو کډوالو د موندولو  په خاطر  عملیات دوام لري.

د ترکيې د سواحلو د امنیت قومندانۍ ویلي دي چې څه باندې  ۶۰ تنه کډوال  د کب نیونې په یوې وړې کښتۍ کې سپاره وو  او غوښتل يي  چې اروپا ته تیر شي چې  د کفکان په سواحلو کې د نامعلوم لامل له امله  په سمندر کې ډوبه شوه.

د کښتۍ د ډوبیدو نه وروسته  د سواحلو امنیت او ژغورنې ډلې سیمې ته ورسیدې  او ۳۸ تنه کډوال يي  وژغورل. تر اوسه پورې د ۴ تنو  مړي  د اوبو نه راویستل شوي او د ۱۵ نه تر ۲۰ تنو پورې کډوال لادرکه شوي دي.

د لا درکه کسانو د موندولو په خاطر  هلې ځلې دوام لري. د پیښې د قربانیانو هویت نامعلوم  دی.