د ترکیې او روسیې ولسمشرانو د لیدنې پلان جوړ کړ
د روسیې ولسمشر ترکیې ته راځي
د ترکیې ولسمشر رجب طیب اردوغان د امریکا د ولسمشر دونالد ټرامپ سره د لیدنې نه وروسته د روسیې د ولسمشر ولادیمیر پوتین سره هم لیدنه کوي.
د ترکیې ولسمشر اردوغان چې د ملګروملتونو په عمومي اجلاس کې د ګدون په خاطر نیویارک ښار ته تللی دی هلته د امریکا د ولسمشر ټرامپ سره ولیدل.
ولسمشر اردوغان د ټرامپ سره د لیدنې نه وروسته وویل چې د روسیې د ولسمشر پوتین سره به هم مهمه لیدنه وکړي.
د بله پلوه د روسیې د ولسمشر ویاند نن خبري رسنیو ته وویل چې د ترکیې او روسیې د ولسمشرانو د سرمشریزې په خاطر هلې ځلې دوام لري. د دواړو هیوادونو د مشرانو د لیدنې په خاطر کار دوام لري.
د پروګرام د معلومیدو نه وروسته به خبري رسنیو ته د لیدنې د وخت په اړه معلومات ورکړي.
د یادولو وړ ده چې د ولسمشر اردوغان او پوتین دا لیدنه په پروګرام کې نوه او په ناڅاپي توګه پلان شوې ده . د ترلاسه شوو معلوماتو له مخې دا لیدنه به په پلازمینه انقره کې ترسره شي.
د روسیې ولسمشر به د سپتمبر په ۲۸ مه نيټه انقرې ته راشي او د ولسمشر اردوغان سره به وویني.
په لیدنه کې به د ترکیې او روسیې د اړیکو سربیره د ایران ، روسیې او ترکیې ترمنځه په سوریه کې د امن د سیمې په پروژې خبرې وشي.
دویمه مهمه مسله بیا د اس ۴۰۰ دفاعي توغندیو مسله ده.
همداشان ترکیه او روسیه به د عراق په شمال کې د کوردانو د فدرالي ادارې لخوا د ترسره کیدونکي ټولپوښتنې په اړه هم خپل نظریات شریک کړي. همداشان په سوداګریزو او اقتصادي مسلو هم په هر اړخیزه توګه خبرې وشي.
اړوند خبرونه
اردوغان : د تورکیې او روسیې ترمنځه پیوستون او اقتصادي اړیکې دوام لري
د تورکیې ولسمشر رجب طیب اردوغان وویل چې د تورکیې او روسیې ترمنځه پیوستون او اقتصادي همکاري دوام لري.