ولسمشر اردوغان ته د نړۍ د څلورو ګوډونو نه مبارکۍ راروانې دي
په ترکیه کې د اساسي قانون د تعدیل او حکومتي سیستم د بدلون په خاطر د ټولپوښتنې د غیرې رسمي پایلو د اعلانیدو نه وروسته د نړۍ د څلورو ګوډونو نه ولسمشر اردوغان ته د مبارکۍ پیغامونه راراوان دي.
![ولسمشر اردوغان ته د نړۍ د څلورو ګوډونو نه مبارکۍ راروانې دي](http://cdn.trt.net.tr/images/xlarge/rectangle/0a1a/1126/8fbf/58f3ce204f5fd.jpg?time=1718751485)
په ترکیه کې د اساسي قانون د تعدیل او حکومتي سیستم د بدلون په خاطر د ټولپوښتنې د غیرې رسمي پایلو د اعلانیدو نه وروسته د نړۍ د څلورو ګوډونو نه ولسمشر اردوغان ته د مبارکۍ پیغامونه راراوان دي.
د ترکیې خلکو د تیرې ورځې ټولپوښتنې په ترڅ کې د اساسي قانون تعدیل او حکومتي د پارلماني نه ریاستي ته د اوښتو مسله د ۵۱ عشاریه ۳ سلنه رایو سره ومنله.
د هر چا نه مخکې لومړی د اذربایجان ولسمشر الهام علیوف ولسمشر اردوغان ته د ټیلیفون په کرښه مبارکي ورکړه. د اذربایجان ولسمشر علیوف د ترکیې خلکو اکثریت د اساسي قانون د تعدیل او نوي حکومتي سیستم نه د ملاتړ کولو له امله ولسمشر اردوغان ته مبارکي وویله.
ولسمشر اردوغان د علیوف نه په مننې سره ویلي دي چې ددینه وروسته به د ترکیې او اذربایجان ترمنځه د ورورلۍ او دوستۍ اړیکې په هره برخه کې لا پسې قوي او پياوړې شي.
د اذربایجان ولسمشر د ټیلیفون له لارې د مبارکۍ ورکولو سربیره ولسمشر اردوغان ته د مبارکۍ پیغام هم رالیږلی دی.
په پيغام کې راغلي دي « پرته د شکه چې ددې ټولپوښتنې پایلې به د ورور هیواد په تاریخ کې د نوې دورې پيل وي.ددې سره به په نړۍ کې د ځواکمنې ترکیې موقف او لا پسې پياوړی شي. »
همداشان د قطر امیر شیخ تمیم بن حمد او د فلسطین ولسمشر محمود عباس هم ولمسشر اردوغان د ټیلیفون په کرښه مبارکي وویله.
د ولسمشرۍ ماڼۍ د معلوماتو له مخې د قطر امیر بن حمد او د فلسطین ولسمشر محمود عباس د ترکیې په اساسي قانون کې تعدیل او په حکومتي سیستم کې بدلون د لخوا په ټولپوښتنه کې د منلو له امله مبارکي وویله.
همداشان د بحرین پاچا حمد بن عیسی الخلیفه هم ولسمشر اردوغان ته د ټيلیفون په کرښه مبارکي وویله.
همداشان د افریقايي ټولنې مشر او د ګینا د دولت رئیس او د تونس د النهضه د غورځنګ مشر راشد الغنوشي ولسمشر اردوغان ته مبارکي وویله.
ددې سربیره د تونس پخواني لومړي وزیر منصف المنرزوقي او د حماس ډلې ولسمشر اردوغان ته مبارکي ورکړه. د حماس د ډلې د سیاسي دفتر مشر خالد مشعل د ټولپوښتنې د غیرې رسمي پایلو د اعلانیدو نه وروسته ولسمشر اردوغان ته مبارکي وویله .
اړوند خبرونه
![د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.](http://cdn.trt.net.tr/images/medium/rectangle/3d5e/0ecd/4785/666e7d69dddc1.jpg?time=1718751485)
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
![د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.](http://cdn.trt.net.tr/images/medium/rectangle/cf40/85da/3642/666855ba58df0.jpg?time=1718751485)
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.