اردوغان : په نړۍ کې د اسلام سره د دښمنۍ ستونزه یواځې د اتحاد او اتفاق سره له منځه وړی شو
اردوغان : د پردو په لمڅونونو باید فریب ونه خورو
د ترکیې ولسمشر رجب طیب اردوغان وویل چې ، د ترهګریزو سازمانونو سره قوي مبارزه د نړۍوالې ټولنې ترمنځه د قوي همکاریو سره د امکان وړ ده .
ولسمشر اردوغان دا څرګندونې د ولسمشرۍ په ماڼۍ کې د اسلامي همکاریو د تشکیلاتو د سازمان د پارلمانونو ټولنې د اجرایوي کمیټې په ۳۶ مه غونډه کې د ګډون کوونکو په ویاړ په جوړه کړې میلمستیا کې وکړې.
ولسمشر اردوغان په میلمستیا کې ګډون کوونکو ته په خطاب کې وویل « په نړۍ کې د اسلام دښمنۍ او اسلام فوبیا ستونزې یواځې او یواځې د یووالي ، اتحاد او اتفاق سره له منځه وړلی شو. »
هغه زیاته کړه « لا زیات باید کار وکړو، د هر ډول فتنو او فریبونو پر وړاندې باید هوښیار اوسو. د ننۍ غونډې په څیر د سلامشورو رسم او رواج باید لا غښتلی کړو او د هرو ستونزو په اړه د خبرو کولو په خاطر باید مشورتي غونډې وکړو. »
ولسمشر اردوغان زیاته کړه چې نن ورځ په نړۍ کې د افریقا تر منځني ختیځه، د اسیا نه تر امریکا پورې پدې لویه جغرافیه کې میشت مسلمانان د ډول ډول ستونزو او جنجالونو سره لاس او ګریوان دي. د شپږو کلونو راهیسې د ټولې نړۍ د سترګو پر وړاندې په سوریه کې په بې ګناه او مظلومو انسانانو د بیلري ، خوشه او کیمیايي موادو بمونو بریدونه کیږي. د مدرنۍ وسلې پدې بې ګناه انسانانو ازمایل کیږي.
همداشان په عراق او یمن کې د مذهبي نښتو لمبې بلې دي. د اسلام دښمنان پدې هیوادونو کې مذهبي نښتو ته لمن وهي.
د همدې امله باید د هوښیارۍ نه کار واخلو او د نورو په لمڅونونو فریب ونه خورو.
اړوند خبرونه
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله
د تورکیې ولسمشر رجب طیب اردوغان به نن د جي ۷ سرمشریزه کې د ځانګړي میلمه په توګه ګډون وکړي.
د نړۍ د اوو پرمختللي اقتصاد لرونکو هیوادونو (G7) سرمشریزه د ایټالیا په کوربه پيل شوه.