ترکیه د روهینګا مسلمانانو د حقونو نه د دفاع په برخه کې مبارزې ته دوام ورکوي
ترکیې د روهینګا مسلمانان یواځې نه پریږدي . دا څرګندونې د ترکیې د بهرنیو چارو وزیر مولود چاوش اوغلو وکړې.
ترکیې د روهینګا مسلمانان یواځې نه پریږدي . دا څرګندونې د ترکیې د بهرنیو چارو وزیر مولود چاوش اوغلو وکړې. هغه وویل چې ترکیې د روهینګا د مسلمانانو د حقونو نه د دفاع په برخه کې ځیني ګامونه پورته کړي او د تازه ګامونو په پورته کولو يي پیل کړی دی .
د ترکیې د بهرنیو چارو وزیر مولود چاوش اوغلو د روهینګا د مسلمانانو حالت د نږدې نه د لیدو په خاطر میانمار ته سفر وکړ. چاوش اوغلو د روهینګا مسلمانانو د حالاتو او حقونو په اړه د میانمار د چارواکیو سره خبرې وکړې.
وزیر چاوش اوغلو په میانمار کې د رسمي لیدو کتو وروسته روهینګا سیمې نه لیدنه وکړه.
چاوش اوغلو د روهینګا د سیتوې په ښار کې د مسلمانانو د کلي نه چې په تجرید کې ژوند کوي لیدنه وکړه.
د یادولو وړ ده چې په ۲۰۱۲ کال کې په سیمه کې د مسلمانانو او بودستانو ترمنځه د خونړیو نښتو نه وروسته د اراکان په سیمه کې د اونا مینار په نامه یواځنۍ سیمه ده چې مسلمانان پکې میشت دي. ددې سیمې خلک په کامله توګه تجرید شوي دي او د سرخلاص زندان په څير ده .
ددې سیمې خلک په اصل کې په یو سرخلاص زندان کې ژوند کوي. ددې سیمې په مسلمانانو بهر ته وتل ، کار کول، ښوونځیو ته تګ او حتا روغتون ته د ناروغانو په وړولو هم بندیز لګول شوی دی .
ددې سیمې خلک یواځې او یواځې د ترکیې په مرستو ژوند تیروي.
د ترکیې د بهرنیو چارو وزیر مولود چاوش اوغلو ددې سیمې خلکو ته ډاډ ورکړ چې ترکیه به تاسې هیڅوخت یواځې پرنږدي. د ترکیې دولت او ملت تل ستاسې ترڅنګ دی.
هغه د سیمې خلکو ته وویل چې تاسې ته مې د ولسمشر رجب طیب اردوغان او لومړي وزیر بنعلي ییلدرم سلامونه راوړي دي. ترکیې هیڅکله هم د روهینګا مسلمانان هیر کړي ندي او نه به يي کله هم هیر کړي.
د ترکیې د بهرنیو چارو وزیر د سیمې خلکو ته د ښوونځي او روغیتايي کلینیکونو د جوړولو زیری ورکړ. هغه وویل چې د ترکیې د همکارۍ او همغږۍ اژانس تیکا به ددوی لپاره ښوونځي او روغتیايي کلینیکونه جوړ کړي.
مولود چاوش اوغلو د سیمې نه د لیدنې نه وروسته خبریالانو ته وویل چې ددې سیمې خلک د سرخلاص زندان په څیر په سیمه کې ژوند کوي. هغه وویل چې ترکیې ددې ستونزې د حل په خاطر په هلو ځلو پیل کړی دی .
ترکیې دې خلکو ته ددوی د مسلم حق د میانمار د تابعیت د حق په څیر د حقونو د ترلاسه کولو په خاطر په هلو ځلو پيل کړی دی . په نږدې راتلونکي کې به پدې اړه جدي ګامونه پورته شي.
د ترکیې د بهرنیو چارو وزیر روژه ماتې د روهینګا مسلمانانو سره په ګډه وکړ.
د ترکیې سفارت په سیمه کې ۴ زرو تنو ته روژه ماتې جوړ کړی وو. د روژې ماتې نه وروسته ټولو په ګډه توګه د سولې او ثبات په خاطر دعاګانې وکړې.
د ترکیې د بهرنیو چارو وزیر په اراکان کې د مسلمانانو سربیره د بودیستانو سره هم لیدنه وکړه.
وزیر چاوش اوغلو د ترکیې لخوا په سیمه کې د جوړې شوې یتم خانې او د ځوانانو د مرکزونو نه هم لیدنه وکړه.
اړوند خبرونه
د تورکیې ولسمشر رجب طیب اردوغان د ارمنستان لومړي وزیر نیکول پاشینیان سره ټیلیفوني خبرې وکړې.
په دغه ټیلیفوني خبرو کې د ازمنستان لومړي وزیر پاشینیان ولسمشر اردوغان ته د لوی اختر مبارکي وویله.
د تورکیې ولسمشر رجب طیب اردوغان د لوی اختر په مناسبت د یو زیات هیوادونو مشرانو ته مبارکي وویله.
ولسمشر اردوغان د یو زیات شمیر هیوادونو مشرانو ته اختر مبارکي وویله