د هیواد دښمنانو یو ځل بیا درې تنه اتل سرتیري په شهادت ورسول.

 ترهګرو د سیمې د جاندارما د ځانګړو ځواکونو په ټیم د ګزمې پر مهال د درندو وسلو بریدو کړ چې له امله يي درې تنه سرتیري شهیدان او ۶ تنه نورټپیان شول.
د برید نه وروسته نښته پیل شوه . د پیښې ټپیان سمدلاسه په چورلکو کې روغتونونو ته واستول شول.
د هیواد لوی درستیزوالۍ مطبوعاتي مرکز په خپره کړې خبرپاڼه کې ویلي دي چې د ۲۰۱۵ کال د اګست په ۱۴ نیټه د مازیګر په ۴ بجو او ۴۰ دقیقو د پې کاکا ترهګریزې ډلې غړیو د حکاري ولایت د یوکس قوا په ولسوالۍ کې د هیواد په اتلو وسله والو ځواکونو خایینانه برید وکړ.
د برید نه وروسته نښته پیل شوه . ترهګر په درندو وسلو سمبال ول . په برید او نښته کې ۳ تنه سرتیري په شهادت رسیدلي او ۶ تنه نور ټپیان شوي دي. ټپیان په چورلکو کې سمدلاسه روغتونونو ته انتقال شوي دي. سیمې ته تقویتي پرسونل استول شوی او د ترهګرو د لمنځه وړ په خاطر چاڼیز عملیات پيل شوي دي.
د پیښې نه وروسته د هیواد ولسمشر رجب طیب اردوغان لوی درستیز ستر جنرال نجدت اوزل نه د ټیلیفون په کرښه د پیښې اړوند معلومات واخیستل او هغه ته يي تسلیت وړاندې کړ.
ولسمشر اردوغان پدې اړه په خپور کړي پیغام کې شهیدانو ته د الله د دربار څخه د مغفرت او رحمت ، کورنیو او ترک ملت ته د جمیل صبر غوښتنه کړې ده . ولسمشر اردوغان د ټپیانو لپاره د بیړنۍ شفاء غوښتنه کړې ده .