په جرمني کې یو ځل بیا په یو جومات برید وشو.
په جرمني کې په جوماتونو بریدونه دوام لري
![په جرمني کې یو ځل بیا په یو جومات برید وشو.](http://cdn.trt.net.tr/images/xlarge/rectangle/5124/b1b6/2048/59097a9ea3282.jpg?time=1719291133)
په جرمني کې یو ځل بیا په یو جومات برید وشو.
د جرمني د کاسل په ښار کې د ترکیې د دیني چارو او ترک اسلام د ټولنې اړوند په یو جومات د نامعلوم کس یا کسانو لخوا برید وشو.
برید کوونکو جومات ته د مالي زیان اړولو سربیره په دیوارونو يي ورته د اسلام ضد شعارونه لیکلي دي.
د جرمني د کاسل د ښار د مرکزي جومات ریس سیف الدین ایر یوروک ویلي دي چې پدې وروستیو کې په اروپا کې د مسلمانانو او جوماتونو پر خلاف د بریدونو کچه د پام وړ لوړه شوې ده . دا ډول بریدونه مونږ ډیر ناراحته کوي او دردوي.
هغه د جرمني په پولیسو او مطبوعاتو د نیوکې سره وویل « د جرمني مطبوعات دا ډول پیښې په اړه حتا یو خبر هم نه جوړوي. پولیس چې کله د پيښې ځای ته راشي پر ځای ددې چې د برید کوونکو پلټنه وکړي د مسلمانانو سره د مجرمینو په څیر چلند کوي. پر مسلمانانو ناحقه تورونه پورې کوي. »
د ویلو ده چې په ټوله اروپا او په ځانګړې توګه په جرمني کې د مسلمانانو او جوماتونو پر خلاف د بریدونو د کچې لوړیدو مسلمانان ډیر زیات اندیښمن کړي دي.
په جرمني کې په ۲۰۱۵ کال کې په ۷۵ جوماتونو او په ۲۰۱۶ کال کې بیا په ۹۱ جوماتونو بریدونه شوي وو.