د اسرائیلو لخوا پر غزې په روانو بریدونو کې د مړو شمیره ۲۰۴۲۴ تنو ته لوړه شوه.
اسرائیلي ځواکونو لخوا به غزه کې د کډوالو په کمپ د برید په نتیجه کې ۷۰ تنو ژوند د لاسه ورکړ
![د اسرائیلو لخوا پر غزې په روانو بریدونو کې د مړو شمیره ۲۰۴۲۴ تنو ته لوړه شوه.](http://cdn.trt.net.tr/images/xlarge/rectangle/2bf0/50f4/6967/65892251939ef.jpg?time=1718728221)
د اسرائیلو لخوا پر غزې په روانو بریدونو کې د مړو شمیره ۲۰۴۲۴ تنو ته لوړه شوه.
اسرائیلي ځواکونو لخوا به غزه کې د کډوالو په کمپ د برید په نتیجه کې ۷۰ تنو ژوند د لاسه ورکړ
د اسرائیلو پوځ د غزې تړانګې په مرکزي برخه کې د المغازي د مهاجرو کمپ په نښه کړ.
د اسرائيلي پوځ له خوا د المغازي د کډوالو په کمپ کې د ملکي وګړو په کورونو د هوايي بريدونو په نتیجه کې ، لږ تر لږه ۷۰ فلسطينيانو خپل ژوند له لاسه ورکړی دی.
د اکټوبر له اوومې راهیسې د اسرائیلو په بریدونو کې د وژل شویو فلسطینیانو شمېر ۲۰ زره ۴۲۴ ته لوړ شوی دی.
د غزې د روغتیا وزارت ویلي دي چې د المغازي د کډوالو په کمپ باندې برید نسل وژنه ده.
اسرائیل پر خان یونس خپلو بریدونو ته دوام ورکوي.
په وروستي هوایي برید کې په سیمه کې یو زیات شمیر ودانۍ د مځکې سره هوارې شوي دي.
د اسرائیلو په بریدونو کې د ملګرو ملتونو د وژل شوو کارکوونکو شمیر ۱۴۲ تنو ته لوړ شو.
په نږدې ختیځ کې د فلسطیني کډوالو لپاره د ملګرو ملتونو د مرستو او کار ادارې ویلي، چې د دوی ډېری کارکوونکي له خپلو کورنیو سره وژل شوي دي.
د بله پلوه د غزې په تړانګه کې د وژل شوو اسرائیلي سرتیرو شمیر هم مخ په لوړیدو دی.
د حماس پوځي څانګې عزالدین القسام اعلان کړی، چې په تېرو څلورو ورځو کې ۴۸ اسرائیلي پوځیان وژلي دي.
په اعلاميه کې چې د لسګونو اسرائيلي پوځيانو د ټپي کېدو خبر ورکړل شوى دی. په اعلامیه کې ويل شوي چې په تیرو ۴ ورځو کې د اسرائیلو ۳۵ پوځي وسايط په جزوي يا بشپړ ډول ويجاړ کړي او له منځه وړي دي.