عباس : غزه د فلسطین نه بیلیدونکې پارچه ده او د غزې په اړه اشغالګر پلانونه د منلو وړ ندي
د فلسطین ولسمشر محمود عباس ویلي، د غزې تړانګې د ویشلو لپاره د اسرائیلي اشغالګرو پلانونه د منلو وړ نه دي او غزه د فلسطین یوه نه بېلېدونکې برخه ده.
![عباس : غزه د فلسطین نه بیلیدونکې پارچه ده او د غزې په اړه اشغالګر پلانونه د منلو وړ ندي](http://cdn.trt.net.tr/images/xlarge/rectangle/19a1/f552/a2b1/654c720ca6ed4.jpg?time=1719007798)
د فلسطین ولسمشر محمود عباس ویلي، د غزې تړانګې د ویشلو لپاره د اسرائیلي اشغالګرو پلانونه د منلو وړ نه دي او غزه د فلسطین یوه نه بېلېدونکې برخه ده.
د فلسطیني رسنیو د خبر له مخې، محمود عباس د هالنډ او استرالیا له لومړي وزیرانو مارک روت او انتوني البانیس سره په جلا جلا توګه ټیلیفوني خبرې وکړې.
عباس د هالنډ له لومړي وزیر روت سره په ټیلیفوني خبرو کې وویل، د غزې د ویشلو لپاره د اشغالګرو ځواکونو پلانونه د منلو وړ نه دي، او ویلي یې دي چې د غزې لپاره سیاسي یا امنیتي حل نشته او دا سیمه د فلسطیني دولت یوه نه بېلېدونکې برخه ده.
عباس ټینګار وکړ چې د نړیوال مشروعیت پر بنسټ د سیاسي حل لارې پلي کول د فلسطین د خلکو د ازادۍ، خپلواکۍ او حاکمیت د ترلاسه کولو لپاره مطلق دی.
د بله پلوه د استرالیا لومړي وزیر انتوني البانیس د فلسطین ولسمشر محمود عباس سره ټیلیفوني خبرې وکړې.
پدې ټيلیفوني خبرو کې عباس یادونه وکړه چې دوی د فلسطین د خلکو قانوني استازي دي او د فلسطین د ازادۍ سازمان حق لري چې ملي پریکړې وکړي.
هغه ددې خبرې په ټینګار وویل چې د فلسطین د خلکو پر وړاندې روان قتل عام باید هر څه ژر ودرول شي.