عراق  حکومت د هیواد نه د بهرنیو ځواکونو د ویستو هوډ کړی .

د عراق لومړي وزیر  په بغداد کې  د امریکا سفیر سره لیدنه وکړه. په لیدنه کې هغه ته د هیواد نه د ټولو بهرنیو ځواکونو د ویستو په اړه د پارلمان فیصله ابلاغ کړه.

د عراق  د حکومت  لخوا د خپور شوي بیان له مخې  لومړي وزیر  عبدالمهدي  په بغداد کې  د خپل کار په دفتر کې د  امریکا  سفیر  حضور ته قبول کړ. پدې لیدنه کې  د مهمو مسئلو  او د عراق د حکومت د دریځ  په اړه خبرې وشوې.

د عراق لومړي وزیر  د امریکا د سفیر سره په لیدنه کې ددې خبرې په ټینګار وویل چې  د هیواد نه د بهرنیو ځواکونو د ویستو اړوند  د پارلمان فیصله  یوه ډیره  پر ځای  فیصله  ده او د امریکا سره  د اړیکو د بڼسټ  د لا قوي کیدو په خاطر  باید د  هیواد نه د امریکايي ځواکونو د ویستو په اړه  په ګډه  چارې پیل شي.

هغه د موجوده حالات  د جدیت او احتمالي  اغیزو  نه په یادونې سره وویل چې، موجود حالات  په یوې جګړې د بدلیدو  د مخنیوي په خاطر  د خپل وس او توانه پورې هلې ځلې کوو.

هغه وویل چې زمونږ اړیکې د همکارۍ، متقابل احترام، امنیت، استقرار او ملي خپلواکۍ  او حاکمیت ته د درناوي پر بڼسټ  ولاړې دي.

د یادولو وړ ده چې  د عراق  پارلمان  د تیرې یکشنبې پر ورځ  د هیواد نه د امریکايي ځواکونو د ویستو په خاطر  فیصله تصویب کړه. پارلمان ددې فیصلې د عملي کولو مسئولیت  حکومت ته  په غاړه واچو.

د امریکا  ولسمشر  د عراق د پارلمان  ددې فیصلې په اړه ډیر سخت غبرګون وښود  او عراق يي وګواښه.

هغه ګواښ وکړ که چیرې عراق د هیواد نه زمونږ د ځواکونو د ویستو اقدام وکړي  داسې  سخت  بندیزونه به پرې وضع کړو چې  ساری تر ننه پورې لیدل شوی نوي. پر ایران لګیدلي  بندیزونه يي پر وړاندې  سپک  پاتې شي.