حوثي یاغیانو یو ځل بیا پر سعودي عربستان د توغندي برید وکړ.
حوثي یاغیانو یو ځل بیا د یمن د خاورې نه د سعودي عربستان په سویل کې په پوځي تاسیساتو د بالستیک توغندي برید کړی دی.
1222019
![حوثي یاغیانو یو ځل بیا پر سعودي عربستان د توغندي برید وکړ.](http://cdn.trt.net.tr/images/xlarge/rectangle/71b9/1e9d/a077/5d0b630852352.jpg?time=1719005872)
ویل کیږي پدې برید کې ګن شمیر کسانو ته مرګ ژوبله اوښتې ده.
د المسیره تلویزیون د حوثي یاغیانو پوځي ویاند تورنجنرال یحیی سیري له قوله لیکلي دي چې د سعودي عربستان د نجران په ښار کې په پوځي تاسیساتو د بالستیک توغندي برید کړی دی.
هغه ویلي دي چې توغندی په هدف لګیدلی دی او پدې برید کې په لسګونو تنو سعودي ځواکونو ته مرګ ژوبله اوښتې ده .
هغه ویلي دي چې د نوموړي برید اړوند ویدیويي فلم يي هم لیدلی دی. ویاند ادعا کړې ده چې د برید فلم يي ثبت کړی دی او وروسته به يي د خبري رسنیو ته شریک کړي.
هغه ویلي دي چې دې برید د سعودي ځواکونو نه وار خطا کړی دی.
سعودي عربستان د نوموړي برید په اړه تر اوسه پورې څه ندي ویلي.
حوثي یاغیانو ویاند سعودي عربستان په لا زیاتو توغندیزو بریدونو ګواښلی دی.