داعش عام وژنو ته دوام ورکوي

داعش  ترهګره ډله  په عراق کې  په خپلو وروستیو سلګیو کې  عام وژنو ته  زور ورته کړی دی .

داعش ترهګرې ډلې  یو ځل بیا د عراق د موصل په ښار کې  د ملکي وګړو عام وژنه وکړه.

په عراق کې د بشري حقونو سازمان  ویلي دي چې  داعش ترهګرې ډلې  د موصل ختیځه څنډه کې  ۶۴ تنه ملکي وګړي  چې  ددوې د کنټرول لاندې سیمې نه يي  د عراقي ځواکونو تر کنټرول لاندې سیمې ته  د تیریدو هڅه  کوله  وژلي دي.

د بشري حقونو سازمان ویلي دي چې  د نوموړو ملکي وګړو نه  ځینې  د داعش ترهګرې ډلې  تر کنټرول لاندې  د سیمو نه په تیښته بریالي شوي دي. نوموړو  کسانو  ویلي دي چې نږدې  ۴۰ کورنیو  غوښتل چې  د داعش تر کنټرول لاندې د سیمو نه  وتښتي  چې  داعشي  ځواکونو لخوا پرې بریدونه  وشول. ډیری  ملکي وګړي د داعشي  سنایپر یا نښه ویشتوونکو لخوا  وژل شوي دي. نوموړو ویل چې یو زیات شمیر کسان  بیا داعش ونیول. داعش  د سیمې د خلکو  د ډارولو په خاطر  ددې خلکو نه  ډیری  ووژل. په وژل شوو کسانو کې  ښځې او ماشومان هم  شتون لري.

نوموړو ویلي دي چې  د ۶۴ تنو مړي  يي په خپلو سترګو ولیدل  چې  پراته ول. همداشان  د ډیرو کسانو مړي  اوبو ته غورځولي وو. د بله پلوه په موصل ښار کې د عراقي ځواکونو یو تن  قومندان  خبري رسنیو ته ویلي دي چې  داعش  هر هغه څوک چې وغواړي  ددوې تر کنټرول لاندې د سیمې نه  وتښتي  وژني.

هغه ویلي دي چې داعش  د ملکي وګړو نه  د ژوندي  سپر په توګه کار اخلي او د ملکي وګړو تر شا ځانونه پټوي.

د بله پلوه  په ځینو رپوټونو کې ویل شوي دي چې  ډیری  داعشیان  په موصل ښار کې تري تم شوي دي. څوک نه پوهیږي چې  دوې کومې خوا ته  تللي دي.