داعش په موصل ښار کې  ښځینه  سنایپر یا نښه ویشتونکو په استخدامولو پیل کړی دی.

داعش په موصل ښار کې  ښځینه  سنایپر یا نښه ویشتونکو په استخدامولو پیل کړی دی.

د عراق د موصل په  خاطر  د داعش ترهګرې ډلې  ډیری  سنایپر یا نښه ویشتونکي  د امریکايي  ځواکونو په هوايي بریدونو  یا  د عراقي ځواکونو په بریدونو کې وژل شوي دي.

داعش ترهګرې ډلې  د یادې شوې د موصل ښار د پاتو سیمو  نه د دفاع په خاطر  داځل  د ښځینه  نښه ویشتونکو په استخدامولو  پيل کړی دی.

د السومریه  خبري اژانس  د خبر له مخې  داعش ترهګرې ډلې  په عراق کې  د سختې ماتې نه وروسته  د پاتو سیمو نه د دفاع په خاطر  د ښځیو جنیګالیو او په ځانګړې توګه نښه ویشتونکو په استخدامولو پيل کړی دی .

داعش ترهګرې ډلې  د موصل د ښار په هغه سیمو کې چې  کنټرول يي اوس هم ددې په لاس کې دی د ډیرو ودانیو  د پاسه  ښځینه  نښه ویشتوونکې  ځای په ځای کړي دي.

نوموړو نښه ویشتونکو  ښار ته د عراقي ځواکونو د پرمختګ  مخه نیولې ده . داعش ترهګرې ډلې د یو پلو نه د ښځینه جنیګالیو نه په استفادې پیل کړی دی او د بله پلوه بیا  د ملکي وګړو نه  د ژوندي  سپر  په توګه کار اخلي.

عراقي ځواکونه  ملکي وګړو د مرګ ژوبلې له امله  په کلاره  پرمختګ کوي. د یادولو وړ ده چې داعش ترهګرې ډلې  د ۲۰۱۴ کال د جون په میاشت کې  موصل ښار  د عراقي ځواکونو نه ونیول  او دلته يي  خلافت اعلان کړ. موصل ښار د داعش  د اصلي مرکزونو په توګه یادیږي.

داعش  د یاد شوي ښار ډیری سیمې د لاسه ورکړي دي. همداشان عراقي ځواکونو د نړۍوالو ځواکونو په ملګرتیا او ملاتړ  تیر کال  د موصل ښار د ازادولو په خاطر پراخه عملیات پیل کړي دي چې  تر اوسه پورې ډیری سیمې  بیرته نیولي دي.