روسي جنګي الوتکو په ادلیب کې په روغتون برید وکړ
د روسیې د پوځ اړوند جنګي الوتکو د سوریې د ادلیب په ښار کې په یو روغتون هوايي بریدونه وکړل.
565141
![روسي جنګي الوتکو په ادلیب کې په روغتون برید وکړ](http://cdn.trt.net.tr/images/xlarge/rectangle/383f/af0b/fe55/57ccefa2a3b6e.jpg?time=1718994744)
د روسیې د پوځ اړوند جنګي الوتکو د سوریې د ادلیب په ښار کې په یو روغتون هوايي بریدونه وکړل.
په ادلیب کې د ملکي خوندیتوب د ادارې یو تن چارواکي د اناتولیا خبري اژانس ته ویلي دي چې د روسیې د پوځ اړوند جنګي الوتکو د ادلیب ولایت په شمال ختیځ کې د سراقب په ولسوالۍ کې د شفاء په نامه په روغتون دوه ځله هوايي بریدونه وکړل.
هغه وویل چې دا روغتون په سیمه کې یواځنی روغتون وو چې فعاله وو. د برید له امله روغتون په کامله توګه په کڼوالې بدل شوی دی .
د نوموړي په وینا روسیې په سوریه کې د سپټمبر په ۳۰ مه د پيل کړو هوايي عملیاتو په ترڅ کې په ادلیب ، حلب او حاما ښارونو کې د مخالفینو تر کنټرول لاندې په سیمو کې ډیری وخت په ښوونځیو، روغتونونو او بازارونو بریدونه کوي.
هغه په برید کې ګن شمیر کسانو ته د مرګ ژوبلې د اوښتو نه خبر ورکړ.