د تورکیې د والیبیال ښځینه ملي‌ لوبډلې د المپیک دویمه لوبه هم وګټله

د تورکیې د والیبال ښځینه ملي لوبډلې د ۲۰۲۴ کال د پاریس د المپیک د سیالیو د غوراوي سیالیو په B ګروپ کې په خپله دویمه لوبه کې بلغاریا ته ۳ د صفر په مقابل ماتې ورکړه.

په جاپان کې ترسره شوې لوبه کې ملي لوبډلې لومړی سیټ ۲۵ د ۲۰  په وړاندې پوره کړ.

ملي لوبډلې دویمه سیټ ۲۵ د ۱۹  پر وړاندې  پای ته ورساوه.

ملي لوبډلې د دریمې سیټ په اوږدو کې ښه لوبه وکړه، دغه سیټ یې ۲۵ د ۱۵ پر وړاندې  وګاټه او لوبه یې ۳ د صفر په مقابل کې وګټله.

د تورکیې د والیبیال ښځینه ملي‌ لوبډله  په دې بريالۍ شوه چې د اولمپيک د غوراوي په سياليو کې خپله دويمه لوبه پرته له دې چې يوه سيټ هم د لاسه  ورکړي وګټله.

د تورکیې د والیبیال ښځینه ملي‌ لوبډله   به په ګروپ کې خپله دریمه لوبه د سه شنبې په ورځ د سپټمبر په۱۹ د تورکیې په وخت د ماښام په ۷  بجو له پیرو سره وکړي.

هغه هیوادونه چې په کوالیفایر کې په خپلو ګروپونو کې "لومړي 2" ځایونه اخلي د پاریس المپیک لوبو لپاره به کوټه ترلاسه کړي.

د اولمپیک د غوراوي په سیالیو کې ۲۴ ټیمونه په چین، جاپان او پولنډ کې لوبې ترسره کوي.

ډلې په لاندې ډول دي:

ګروپ الف (چین): چین، کاناډا، چک جمهوریت، ډومینیکن جمهوریت، مکسیکو، هالنډ، صربستان، اوکراین

B ګروپ (جاپان): جاپان، تورکیه، برازیل، بلجیم، بلغاریا، پورټو ریکو، ارجنټاین، پیرو

ګروپ C (پولینډ): پولنډ، کولمبیا، جرمني، ایټالیا، سویلي کوریا، سلووینیا، تایلینډ، امریکا