روسیه او ایران په ګډه سمندري تطبیقات کوي.
دا خبره د ایران د سمندري ځواکونو قومندان تورنجنرال حسین خانزادي وکړه.
![روسیه او ایران په ګډه سمندري تطبیقات کوي.](http://cdn.trt.net.tr/images/xlarge/rectangle/d7ec/41b1/c990/5cc7f6465f0a9.jpg?time=1719158014)
دا خبره د ایران د سمندري ځواکونو قومندان تورنجنرال حسین خانزادي وکړه. هغه وویل چې د ایران او روسیې سمندري ځواکونه به د عمان په سمندر کې ګډ عسکري تطبیقات ترسره کړي.
خانزادي په پلازمینه تهران کې خبري غونډې ته په عمان سمندر کې د روسیې سره په ګډه د ترسره کیدونکو پوځي تطبیقاتو په اړه خبریالانو ته معلومات ورکړل.
هغه وویل چې د ایران او روسیې د سمندري ځواکونو ترمنځه به په روزنیزو، تخنیکي او عملیاتي برخو کې د همکاریو کچه لا پسې لوړه کړی شي. همکاري به په همدې شان دوام وکړي.
هغه وویل چې د روسیې سره د ترسره شوو مذاکراتو په پایله کې پریکړه وشوه چې د روسیې سمندري ځواکونو اړوند جنګي بیړۍ د روان کال په دننه کې د ایران سویلي برخې ته راشي او د ایران د سمندري ځواکونو سره په ګډه پوځي تطبیقات ترسره کړي.
هغه وویل چې د هند اوقیانوس په څنډه کې پرتو هیوادونو ته په جوړه شوې غونډه کې د نوموړو تطبیقاتو په اړه معلومات او خبر ورکړی دی.
هغه وویل چې نړۍوالې اوبه د ټولې نړۍ اړوند دي او هر هیواد کولای شي چې په نړۍوالو اوبو کې د سوله ایزو موخو لپاره تطبیقات ترسره کړي. ایران د تیلو ټانکرانو ته د خپلې خاورې د یوې پارچې په سترګه ګوري چې د همدې امله د خپلې خاورې ددې پارچې نه باید په ډیر ښه توګه دفاع وکړو.