ایران داځل سعودي عربستان، متحده عربي امارات او اسراییلو ته ګواښ وکړ.
ایران د اهواز د خونړي برید له امله غبرګونونو ته دوام ورکوي
د ایران انقلاب ساتوونکو ځواکونو ته نږدې د فارس خبري اژانس د یو توغندي ویدیو خپره کړې چې پکې د هدف په توګه سعودي عربستان، متحده عربي امارات او اسراییل انتخاب شوي دي.
ایران د اهواز د ترهګریز برید پړه پر امریکا، د سعودي عربستان په مشرۍ خلیج هیوادونو او اسراییلو اچولې ده .
د فارس خبري اژانس لخوا په خپره شوې ویدیو کې نوموړي درې هیوادونه په بریدونو ګواښل شوي دي.
همداشان د فارس خبري اژانس د نوموړو ویدیو اړوند په خپور کړي خبر کې د ایران د مدیني مشر ایت الله علي خامنه يي له قوله لیکلي دي چې ایران به د اهواز د پیښې فاعلینو ته په ډیره سخته توګه جزا ورکړي. د ډیرې سختې جزا په انتظار کې اوسۍ تر نامه لاندې ویدیو خپره کړې ده .
پدې ویدیو کې ښکاري چې د ایران انقلاب ساتوونکي ځواکونه د بالستیک توغندي په هدف کې سعودي عربستان، متحده عربي امارات او اسراییل انتخابوي.
د یادولو وړ ده چې د تیرې خالي په ورځ د ایران د اهواز په ښار کې د ایران – عراق د جګړې د کلیزې په مناسبت عسکري رسم ګذشت جوړ کړی وو چې پرې وسله وال برید وشو.
پدې برید کې ۲۵ تنو ژوند د لاسه ورکړ او ۶۹ تنه نور ټپیان شول.
ایران سعودي عربستان، امریکا، متحده عربي امارات او اسراییلو پدې برید کې په لاس لرولو تورن کړل.
