د طالبانو پر وړاندې د پاكستان نظامي عمليات

د پاكستان د هوايي ځواكونو لخوا په شمالي وزيرستان كې د طالبانو پر پټنځايونو باندې د هوايي بمباريو په پايله كې ۲۲ تنه اورپكي ووژل شول.
د پاكستان د اوردو د وياند د معلوماتو په اساس د افغانستان سره پولې ته څېرمه په قبايلي سيمو كې د طالب اورپكو اړوند ۶ پټنځايونه بمباري شوي دي.
د شمالي وزيرستان قبايلي سيمه د طالبانو د اصلي مركز په توګه ياديږي.
د پاكستان اوردو د تېر كال د جون په مياشت كې په سيمه كې عمليات پيل كړي دي چې تر اوسه پورې لږ تر لږه ۳۵۰۰ تنه اورپكي په كې وژل شوي دي.