Қытайдағы жер сілкінісінде 148 адам қаза тапты

Қытайдың солтүстік-батысындағы Ганьсу уәлаятында болған 6,2 балдық жер сілкінісінде қаза тапқандар саны 148-ге жетті.

Жергілікті билік тарапынан  жасалған мәлімдемеге қарағанда, Ганьсу уәлаятында 117 адам, көрші Цинхай аймағында  31 адам қаза тапқан.

Осылайша, жер сілкінісінен қаза тапқандар саны 148-ге жетті.

Қытай жер сілкінісі желілерінің орталығы (CENC) 6,2 балдық жер сілкінісі 18 желтоқсанда түн ортасына бір минут қалғанда орын алғанын, эпицентрі Цишишан Баоань Донсяң мен Салар автономиялық округінде болғанын хабарлады.