Тунисте "тарихи" заң

Тунистік әйелдердің акциясы жемісін берді.  Парламент әйелге деген зорлық-зомбылықтың барлық түріне жаза беруді көздеген заңды қабылдады.

Осы заң арқылы тұрмыстағы зорлау да қылмыс қатарына алынды.

Тунис парламенті әйелге қарсы зорлық-зомбылыққа жаза беретін заңды кеше қабылдады. Бұдан былай әйелге қарсы күш қолдану қылмыс деп есептеледі.

Аталмыш заңның елде «мәдениет төңкерісіне» жол ашып,  жыныстар арасындағы қатынасқа қалай әсер ететіні әлі белгісіз.

Бұл қоғам мен жеке азаматтарға байланысты.

Тунис Отбасы министрі Назиха Лаабиди парламенттің «тарихи» табысқа қол жеткізгенін айтты.