Ашық қақпа басталды
Мешіттердің қақпасы Канада халқына ашылды.
Канадада Онтарио штатындағы Ислам тарихи айы іс-шаралары аясында мешіттердің қақпасы Канада халқына ашылды.
Онтарио штат парламентінде қазан айы осы штатта Ислам тарихи айы ретінде қабылданған болатын. Осыған орай Хамилтон қаласындағы мешіттерде апта бойы іс-шаралар ұйымдастырылды.
Қақпаларын халыққа ашқан Хамилтон Downtown мешітінің имамы Месут Тора АҚШ-та президенттік сайлау науқанында артқан исламофобия таласының осы елге көршілес Канадаға да әсер еткенін айтты. Тора штат көлемінде 200-ден аса мешіт, Ислам мәдениет орталығы және мектеп бар екенін, 500 мыңнан аса мұсылман тұратынына назар аударды.
«Мұсылман емес көршілерімізбен болмысымызды бөлісу, оларға Исламның әсемдіктерін түсіндіру үшін қолымыздан келгенді істедік» деді ол.
Шара аясында келушілер Құран тыңдады. Ислам дінін таныстыратын кітаптарды алды. Сонымен бірге қонақтардың есімдері каллиграфия өнері қолданылып жазылып, естелікке берілді. Әйелдердің қолдарына қынамен әшекей салынды. Балалар үшін де ойын стенді құрылды. Имам жарты сағатта бір рет келушілерге мешіттің ішін аралатты.