თურქული პრესა 17.09.2020

თურქული პრესის მოკლე მიმოხილვა

მიმოხილვას ვიწყებთ გაზეთ „ჰაბერ თურქ“-ში გამოქვეყნებული ინფორმაციით, რომლის თანახმადაც, პრეზიდენტმა რეჯეფ თაიფ ერდოღანმა, გერმანიის კანცლერ ანგელა მერკელთან ვიდეო კონფერენციით გამართულ შეხვედრაზე განაცხადა, რომ სანამ აღმოსავლეთ ხმელთაშუა ზღვაში არსებობს კონსტრუქციული და სამართლიანი მიდგომა, უთანხმოების მოგვარება მოლაპარაკებებით და შეთანხმებით შესაძლებელია. მისივე თქმით, აღმოსავლეთ ხმელთაშუა ზღვის საკითხში ევროპის ქვეყნები სამართლიანი და თანმიმდევრულნი უნდა იყვნენ და თურქეთი  თავისი უფლებების საკითხზე ბოლომდე მტკიცე და აქტიური  პოლიტიკის განხორციელებას გააგრძელებს.

გაზეთ „იენი შაფაკ“-ში გამოქვეყნებული სტატიის მიხედვით, გემი „ორუჩ რეისი“ რომლისთვისაც ბოლო ერთ თვეში სამი Navtex-ი გამოცხადდა და რომელიც თურქეთის საზღვაო იურისდიქციის ქვეშ მყოფი სამხრეთი რეგნიდან ჩრდილოეთით მიიწევს, დაწყებული სარემოტო სამუშაოები შემდეგ მიმართულებას კუნძულ მეისის სამხრეთით აიღებს. „ორუჩ რეისი“ კვლევას ამ რეგიონში 2 თვეში დაასრულდებს. ახალი Navtex– ის კოორდინატები, სავარაუდოდ, დაიწყება მეისისა და როდოსის ტერიტორიული წყლების ბოლოდან.

ჩრდილოეთ მაკედონიის პრემიერ-მინისტრმა ზორან ზაევმა ათენის მთავრობას მოუწოდა თურქეთთან ითანამშრომლოს აღმოსავლეთ ხმელთაშუა ზღვის საკითხში წერს გაზეთი „სტარი“. ზაევმა რეგიონის ქვეყნებს შორის ძლიერი კავშირების მნიშვნელობაზე გაამახვილა ყურადღება და დასძინა: „მოდით ვიყოთ ჭკვიანები. იმედი მაქვს, რომ ეს დაძაბულობა აღარ განმეორდება. რადგან თურქეთი თქვენი მეზობელი და ჩვენი კარგი მეგობარია. ”

გაზეთი „საბაჰი“-ს თანახმად, თავდაცვის მრეწველობის საპრეზიდენტო დეპარტამენტის მიერ უპილოტო საფრენი აპარატების ტექნოლოგიის განვითარებისა და წარმოდგენის პროექტის ფარგლებში გამართული კონკურსის პირველი ეტაპი დასრულდა. მრავალი კომპანია მონაწილეობდა ფრენის ტესტებში და მათ თავიანთი შესაძლებლობები აჩვენეს. დეპარტამენტის ხელმძღვანელმა ისმაილ დემირმა აღნიშნა, რომ თურქეთის თავდაცვის ინდუსტრიამ ბოლო წლებში ძალიან მნიშვნელოვან წარმატებებს მიაღწია და ადგილობრივი წარმოების უპილოტო საფრენი აპარატები მსოფლიოში მათი კლასის წამყვან სისტემებს შორის მოხვდა.

და ბოლოს, გაზეთი „ჰურიეთი“ იუწყება, რომ ახალი ტიპის კორონავირუსის (კოვიდ -19) ეპიდემიის ნორმალიზაციის პროცესთან ერთად ანტალიაში ჩამოსული ტურისტების რაოდენობა იზრდება. ანტალიაში აგვისტოში მთლიანობაში 225 ათასი რუსი ტურისტი ჩავიდა და იგივე რაოდენობას მიაღწია სექტემბრის პირველ 15 დღეში. ზაფხულის სეზონი ვარაუდობენ, რომ ნოემბრამდე გაგრძელდება.