თურქული პრესა 19.06.2020
თურქული პრესის მოკლე მიმოხილვა
მიმოხილვას ვიწყებთ გაზეთ „Hürriyet“-ით, რომელშიც მევლუთ ჩავუშოღლუს განცხადებაზეა ყურადღება გამახვილებული და მასში ვკითხულობთ: საგარეო საქმეთა მინისტრმა მევლუთ ჩავუშოღლუმ განაცხადა, რომ პრეზიდენტ რეჯეფ თაიფ ერდოღანსა და აშშ-ს პრეზიდენტ დონალდ ტრამპს შორის, ლიბიის მიმართებაში არსებობს პოზიტიური მიდგომა და მათ დაევალათ, რომ ლიბიაში აშშ-სთან ითანამშრომლონ.
გაზეთ „Sabah“-ში ყურადღებას იპყრობს სტატია სახელწოდებით „ამერიკელი პენსიონერი გენერალი კიმიტი: თურქეთი ნატო-ში გზას უჩვენებს“ და მასში ვკითხულობთ: ამერიკაში, ბუშის პერიოდში თავდაცვის მინისტრის მოადგილის მოვალეობის შემსრულებელი გენერალი მარკ კიმიტი აცხადებს, რომ თურქეთი ნატო-ს ძლიერი წევრია. მისივე თქმით, განსაკუთრებით ახლო აღმოსავლეთის საკითხში, თურქეთი ნატო-ს გზას უჩვენებს.
გაზეთი „Vatan“-ი იუწყება, რომ ენერგეტიკისა და ბუნებრივი რესურსების მინისტრმა ფათიჰ დონმეზმა განაცხადა, რომ თურქეთმა ენერგეტიკული წარმოების თვალსაზრისით ბოლო 20 წლის რეკორდი დაამყარა. მინისტრის თქმით, 2020 წლის აპრილის მონაცემებით წარმოებული ენერგიის 79,6%-ს ადგილობრივი, ხოლო 66% განახლებადი ენერგია შეადგენს.
გაზეთი „Yeni Şafak“-ი წერს, რომ შავ ზღვაში საძიებო-ბურღვით კვლევების მიზნით ტრაბზონში ჩასული გემი „ფათიჰი“, მცირედი ხარვეზების დასრულების შემდეგ, 25 ივნისს საბურღ სამუშაოებს იწყებს.
გაზეთი „Star“-ი იტყობინება, რომ თურქეთის მიერ ეროვნული შესაძლებლობებით წარმოებული უპილოტო საფრენი აპარატი „ბაირაქტარ TB2“-ი ტყის ტერიტორიებზე ხანძრების წინააღმდეგ მონიტორინგს გაუწევს. აღნიშნულის შესახებ ინფორმაცია, „ბაირაქტარ TB2“-ის მთავარმა კონსტრუქტორმა სელჩუკ ბაირაქტარმა სოციალურ ქსელ, Twitter-ის მეშვეობით გავრცელებულ მესიჯში აღნიშნა.