თურქეთის მოსახლეობამ 85 მილიონ 372 ათას 377 ადამიანს მიაღწია

თურქეთის მოსახლეობა 2023 წელს წინა წელთან შედარებით 92 ათას 824 ადამიანით გაიზარდა და 85 მილიონ 372 ათას 377 ადამიანს მიაღწია.

თურქეთის სტატისტიკის ინსტიტუტმა (TÜİK) „მისამართებზე დაფუძნებული მოსახლეობის სარეგისტრაციო სისტემის 2023 წლის შედეგები“ გამოაცხადა.

მის მიხედვით, ქვეყნის მოსახლეობა, რომელიც 2022 წლის მდგომარეობით 85 მილიონ 279 ათას 553 ადამიანს შეადგენდა, გასულ წელს 92 ათას 824 ადამიანით გაიზარდა და 85 მილიონ 372 ათას 377 ადამიანს მიაღწია.

მოსახლეობის 50,1 პროცენტი  მამაკაცია (42 მლნ 734 ათას 71 ადამიანი), ხოლო 49,9 პროცენტი ქალია (42 მილიონ 638 ათას 306 ადამიანი).