ირანის პრეზიდენტი დღეს თურქეთს ეწვევა

ირანის ისლამური რესპუბლიკის პრეზიდენტი იბრაჰიმ რეისი პრეზიდენტის რეჯეფ თაიფ ერდოღანის მიწვევით დღეს თურქეთში ოფიციალური ვიზიტით ჩავა.

პრეზიდენტის კომუნიკაციების დირექტორატის განცხადებაში ნათქვამია, რომ ვიზიტის ფარგლებში თურქეთ-ირანის უმაღლესი დონის თანამშრომლობის საბჭოს მერვე შეხვედრა გაიმართება დედაქალაქ ანკარაში პრეზიდენტ ერდოღანისა და რეისის თავმჯდომარეობით.

განცხადებაში ასევე ნათქვამია, რომ შეხვედრაზე განიხილება თურქეთ-ირანის ურთიერთობების ყველა ასპექტი და ის ნაბიჯები, რომლებიც შეიძლება გადაიდგას ორმხრივი თანამშრომლობის გაღრმავებისა და განვითარებისთვის.

„გარდა ორმხრივი ურთიერთობებისა, შეხვედრებზე ერთმანეთს გაუცვლიან მოსაზრებებს აქტუალურ რეგიონულ და გლობალურ საკითხებზე ღაზაზე და ოკუპირებულ პალესტინის ტერიტორიებზე ისრაელის თავდასხმების თაოსნობით. შეხვედრაზე დღის წესრიგშია ასევე სხვადასხვა დოკუმენტების ხელმოწერა, რომლებიც მიმართულია ურთიერთობების სახელშეკრულებო ბაზის გაძლიერებისკენ“. - აღნიშნულია განცახადებაში.