30 აგვისტოს გამარჯვების დღის 101 წლისთავი დიდი ზეიმით აღინიშნება

30 აგვისტოს გამარჯვების დღის 101 წლის იუბილე, თურქეთის მასშტაბით და უცხოეთის წარმომადგენლობებში სხვადასხვა ღონისძიებებით აღინიშნება.

ღონისძიებების ფარგლებში, დედაქალაქ ანკარაში პირველი ცერემონია გაიმართა ანითქაბირში, სადაც თურქეთის რესპუბლიკის დამაარსებლის მუსტაფა ქემალ ათათურქის საფლავია განთავსებული.

30 აგვისტოს გამარჯვების დღესთან დაკავშირებით მიმდინარე ღონისძიებების ფარგლებში პრეზიდენტი რეჯეფ თაიფ ერდოღანი და სხვა მთავრობის მაღალჩინოსნები ანითქაბირს ეწვივნენ.

პრეზიდენტმა ერდოღანმა ანითქაბირის სპეციალურ წიგნში ჩანაწერი გააკეთა, რომელშიც ნათქვამია: „ძვირფასო ათათურქ, ჩვენი დიდებული ისტორიის ერთ-ერთი უმნიშვნელოვანესი გარდატეხის წერტილის, დიდი გამარჯვების 101 წლისთავზე, ჩვენ პატივისცემით გიხსენებთ თქვენ, თქვენს თანამებრძოლებს, დიდი ეროვნული კრების წარჩინებულ წევრებს და ჩვენს მოწამებრივად დაღუპულებს. ჩვენი გმირი მოწამეებისგან მიღებული შთაგონებით ვაგრძელებთ თურქეთის რესპუბლიკის წინსვლას იმ მიზნების მიმართულებით, რაც თქვენ დასახეთ ჩვენთვის, რომ გავაძლიეროთ იგი ყველა სფეროში, განსაკუთრებით ეკონომიკაში, თავდაცვასა და დიპლომატიაში. ჩვენი ქვეყანა, რომელმაც წარმატებით დაძლია გლობალური ეპიდემიური კრიზისი, ასევე წარმატებით მართავს თავის რეგიონში არსებულ კონფლიქტებს და ახორციელებს დიპლომატიურ ნაბიჯებს მშვიდობისა და სტაბილურობის აღდგენისთვის, რომლებსაც მთელი მსოფლიო აფასებს. ვერც მეურვეთა თამაშები და ვერც სისხლიანი ტერორისტული ორგანიზაციების თავდასხმები ვერ შეუშლის ხელს თურქეთის მშენებლობას, რომელიც ძლიერდება და აქვს მაღალი თავდაჯერებულობა და რომელიც ჩაგრულთა იმედია. ნათელში იყოს შენი სული.“