თურქეთსა და საუდის არაბეთს შორის სხვადასხვა სფეროში ხელშეკრულებები გაფორმდა

თურქეთსა და საუდის არაბეთს შორის სხვადასხვა სფეროში ხელშეკრულებები გაფორმდა

თურქეთის რესპუბლიკასა და საუდის არაბეთის სამეფოს შორის გაფორმდა შეთანხმებები პირდაპირი ინვესტიციების, თავდაცვის მრეწველობის, ენერგეტიკის, თავდაცვისა და კომუნიკაციების სფეროებში.

პრეზიდენტ რეჯეფ თაიფ ერდოღანისა და საუდის არაბეთის ტახტის მემკვიდრე პრინც მუჰამედ ბინ სალმანის ხელმძღვანელობით დელეგაციების შეხვედრების შემდეგ ხელი მოეწერა ხელშეკრულებებს.

თურქეთის რესპუბლიკასა და საუდის არაბეთის სამეფოს შორის პირდაპირი ინვესტიციების ხელშეწყობის სფეროში თანამშრომლობის შესახებ ურთიერთგაგების მემორანდუმს ხელი მოაწერეს პრეზიდენტის საინვესტიციო ოფისის ხელმძღვანელმა ბურაკ დაღლიოღლუმ და საუდის არაბეთის ინვესტიციების მინისტრმა ხალიდ ალ-ფალიჰმა.

პრეზიდენტის კომუნიკაციების დირექტორმა ფაჰრეთინ ალთუნმა და საუდის არაბეთის მედიის საკითხთა მინისტრმა სალმან ბინ იუსუფ ალ-დავსარიმ ხელი მოაწერეს ურთიერთგაგების მემორანდუმს კომუნიკაციების სფეროში თანამშრომლობის შესახებ თურქეთის პრეზიდენტიის კომუნიკაციების დირექტორატსა და საუდის არაბეთის სამეფოს ინფორმაციის სამინისტროს შორის.

თურქეთის რესპუბლიკის ეროვნული თავდაცვის სამინისტროსა და საუდის არაბეთის თავდაცვის სამინისტროს შორის თანამშრომლობის განხორციელების გეგმას ხელი მოაწერეს ეროვნული თავდაცვის მინისტრმა იაშარ გიულერმა და საუდის არაბეთის თავდაცვის მინისტრმა პრინცმა ხალიდ ბინ სალმან ალ-საუდმა.

ენერგეტიკის სფეროში ურთიერთგაგების მემორანდუმს თურქეთის რესპუბლიკის ენერგეტიკისა და ბუნებრივი რესურსების სამინისტროსა და საუდის არაბეთის სამეფოს ენერგეტიკის სამინისტროს შორის ხელი მოაწერეს ენერგეტიკისა და ბუნებრივი რესურსების მინისტრმა ალფარსლან ბაირაქტარმა და საუდის არაბეთის ენერგეტიკის მინისტრმა, პრინცმა აბდულაზიზ ბინ სალმან ალ-საუდმა.

საუდის არაბეთის თავდაცვის სამინისტროსა და „ბაიკარ“-ს შორის თანამშრომლობის შესახებ შეთანხმებას ხელი მოაწერეს „ბაიკარი“-ს გენერალურმა მენეჯერმა ჰალუკ ბაირაქტარმა და საუდის არაბეთის თავდაცვის მინისტრის მოადგილემ ჰალიდ ბინ ჰუსეინ ელ ბაიარიმ.