პრეზიდენტმა ერდოღანმა სატელეფონო საუბარი გამართა ჰოლანდიის პრემიერ-მინისტრ რუტესთან

პრეზიდენტმა ერდოღანმა სატელეფონო საუბარი გამართა ჰოლანდიის პრემიერ-მინისტრ რუტესთან

პრეზიდენტმა რეჯეფ თაიფ ერდოღანმა სატელეფონო საუბარი გამართა ჰოლანდიის პრემიერ-მინისტრთან მარკ რუტესთან. საუბრის დროს მათ განიხილეს ორმხრივი ურთიერთობები, შვედეთის ნატოში გაწევრიანების პროცესი, ევროპაში ყურანის წინააღმდეგ პროვოკაციული ქმედებები, რეგიონული და გლობალური საკითხები.

პრეზიდენტმა რეჯეფ თაიფ ერდოღანმა აღნიშნა, რომ მომავალ წელს თურქეთ-ჰოლანდიის მეგობრობის შეთანხმების 100 წლის იუბილე აღინიშნება და  გამოთქვა იმედი, რომ ორმხრივი ურთიერთობები მაღალი დონის ვიზიტებით დაგვირგვინდება.

საუბრის დროს შვედეთის ნატოში გაწევრიანების პროცესიც განიხილეს და ერდოღანმა განაცხადა, რომ შვედეთმა სწორი მიმართულებით გადადგა ნაბიჯები ანტიტერორისტულ კანონმდებლობაში ცვლილებების შეტანით, მაგრამ ტერორისტული ორგანიზაცია PKK/PYD/YPG-ს მხარდამჭერები თავისუფლად აგრძელებენ ტერორიზმის ქების აქციების მოწყობას.

პრეზიდენტმა ერდოღანმა ჰოლანდიის პრემიერ-მინისტრ რუტეს განუცხადა, რომ შვედეთში წმინდა წიგნის, ყურანზე თავდასხმები არ შეიძლება გამართლდეს აზრის თავისუფლების საფარქვეშ და რომ ის, რაც გაკეთდა, აშკარად გამოხატვის დანაშაულია.

ლიდერები ასევე შეთანხმდნენ, რომ 11-12 ივლისს ლიეტუვის დედაქალაქ ვილნიუსში გასამართი ნატოს სამიტის დღის წესრიგის ერთ-ერთი ყველაზე მნიშვნელოვანი საკითხი რუსეთ-უკრაინის ომი იქნება.